25.06.2026 | 10:18
NYMEX. Թանկարժեք մետաղների գները նվազել են
Ինտենսիվ ծեծ, 8 հոգի․փորձագիտական գնահատմամբ դա չի ֆիքսվել․ նախարարը՝ Ուլուբաբյանի խոշտանգման մասին․ ՏԵՍԱՆՅՈՒԹ
Հասարակություն
21.03.2025 | 14:30
«Կա քաղաքացու ահազանգ, որ 10 րոպեն մեկ ինտենսիվ ծեծ է եղել, վնասվածքներ են եղել, 8 հոգի են եղել։ 10 րոպեն մեկ ինտենսիվ ծեծի արդյունքում չստանալ վնասվածք և անկախ փորձագիտական գնահատմամբ դա չֆիքսվի, սա ուղղակի պիտի դառնա օբյեկտիվ քննության առարկա։ Ինտենսիվ ծեծի արդյունքում թե՛ հիվանդանոցը, թե՛ դատաբժիշկը պետք է տային ավելի բարդ նկարագրություն, քան ֆիքսված է»,- այս մասին ԱԺ պաշտպանության և անվտագության մշտական հարցերի հանձնաժողովում հայտարարեց ՆԳ նախարար Արփինե Սարգսյանը՝ պատասխանալով Տիգրան Ուլուբաբյանի՝ Վանաձորի ոստիկանների կողմից ենթադրյալ խոշտանգման ենթարկվելու մասին հարցին։
Նախարարի պնդմամբ՝ լինի ՀՀ քաղաքացի, թե ԼՂ-ից բռնի
տեղահանված անձ, եթե կա իրավունքների խախտման փաստ՝ մոտեցման
տեսանկյունից չկա տարբերություն։
«Դեպքի մասով այս պահին չեմ կարող գնահատականներ տալ։ Եթե պարզվի, որ կա կեղծ մեղադրանք ոստիկանների նկատմամբ, ապա կլինի պատասխանատվություն` սուտ մատնության համար»,- նշեց Սարգսյանը և կոչ արեց հարցը միակողմանի չմեկնաբանել։
Նշենք, որ արցախցի Տիգրան Ուլուբաբյանն այսօր կառերեսվի ոստիկանների հետ, որոնք, նրա պնդմամբ, Վանաձորի Ոստիկանության բաժնում խոշտանգել են իրեն։
Հիշեցնենք, որ ըստ Տիգրան Ուլուբաբյանի պատմածի՝ Վանաձորում բնակվող իր բարեկամներից մեկի տնից գողություն է կատարվել, ինքը բարեկամուհուն ուղեկցել է Ոստիկանություն, որից հետո իրեն կանչել են վարչություն ու ծեծի միջոցով ստիպել խոստովանել, որ ինքն է կազմակերպել գողությունը։ Ուլուբաբյանը, սակայն, չի խոստովանել և այժմ էլ պնդում է, որ հանցագործության հետ կապ չունի։ Նշենք, որ մի քանի օր շարունակ մի խումբ քաղաքացիներ հավաքվում էին Քննչական կոմիտեի շենքի դիմաց՝ պահանջելով քրեական հետապնդում հարուցել Ուլուբաբյանին խոշտանգնման ենթարկած ոստիկաններին։ factor.am
Մանրամասները՝ տեսանյութում։
