02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
Ռուբեն Մխիթարյանը հրավիրվել է հարցաքննության․ ՔԿ-ն հորդորում է չքաղաքականացնել գործընթացը
Հասարակություն
20.03.2025 | 18:00
Գյումրիի քաղաքապետի թեկնածու, «Իմ հզոր համայնք» կուսակցության ցուցակի առաջին համար Ռուբեն Մխիթարյանն այսօր քարոզարշավը կիսատ է թողել, քանի որ Երևան էր հրավիրվել հարցաքննության։ Մխիթարյանը տեսանյութ էր հրապարակել ֆեյսբուքյան իր էջում, որտեղ հեռախոսազրույցի միջոցով նրան հրավիրում են Քննչական կոմիտե, քանի որ նախորդ տարվա մայիսին առանց վարորդական իրավունքի մեքենա է վարել։
FactorTV-ի հարցմանն ի պատասխան Քննչական կոմիտեից հաստատեցին տեղեկությունը, նշելով՝ ոստիկանության պարեկային ծառայությունից 2024 թվականի մայիսի 31-ին հաղորդում է ստացվել, որ Ռուբեն Մխիթարյանը 6 ամիս ժամկետով տրանսպորտային միջոցներ վարելու իրավունքը կասեցված վիճակում՝ 2024 թվականի մայիսի 3-ին վարել է ավտոմեքենան.
«Հաղորդման հիման վրա 2024 թվականի մայիսի 31-ին նախաձեռնվել է քրեական վարույթ՝ Քրեական օրենսգրքի 344-րդ հոդվածի 1-ին մասի հատկանիշներով:
Տեսանյութից պարզ երևում է, որ քննիչը չգիտի, թե ում հետ է խոսում: Քննիչն իրացնելով իր լիազորությունները՝ նախաձեռնված քրեական վարույթի շրջանակներում Ռուբեն Մխիթարյանին հրավիրել է հարցաքննության: Պետք չէ քաղաքականացնել գործընթացը»,- նշեց Կոմիտեի մամուլի քարտուղար Կիմա Ավդալյանը։
Ռոզա Վարդանյան
