Մենք ազգովի կդիմակայենք չարիքին․Ստամբուլի ձերբակալված քաղաքապետը դիմել է Էրդողանին

Ստամբուլի ընդդիմադիր քաղաքապետ Էքրեմ Իմամօղլուն սոցցանցերում հրապարակված ուղերձով դիմել է երկրի նախագահ Ռեջեփ Թայիփ Էրդողանին։

«Դուք հարվածում եք մեր պատվին ու արժանապատվությանը, յուրացնում իմ երեխաների ապագան։ Այս ամենն անում եք մի բուռ ոչ հմուտ մարդկանց հետ։ Այդ գործով զբաղվող բոլորը կեղտոտ են։ Մենք ազգովի  կդիմակայենք այս չարիքին»,- մասնավորապես, գրել է Իմամօղլուն։

Նա նաև կոչով դիմել է թուրքական արդարադատության «տասնյակ հազարավոր ազնիվ դատախազներին և դատավորներին, ովքեր պատվաբեր են, բարոյական և իրենց ազգին ծառայելու կիրք ունեն»:

«Դուք պետք է ոտքի կանգնեք և քայլեր ձեռնարկեք այն մի բուռ գործընկերների դեմ, որոնք ավերեցին թուրքական դատական ​​համակարգը, խայտառակեցին մեզ ամբողջ աշխարհի առջև և ոչնչացրին մեր հեղինակությունը։ Ես վստահում եմ Թուրքիայի բարձրագույն դատական ​​իշխանությանը»,- նշել է Իմամօղլուն։

Միաժամանակ, դիմելով իշխող «Արդարություն և զարգացում» կուսակցությանը՝ Ստամբուլի քաղաքապետը հայտարարել է․ «Դուք չեք կարող և չպետք է լռեք։ Ի վերջո, ես կոչ եմ անում բոլոր քաղաքական գործիչներին, ովքեր ծառայում են «Արդարություն և զարգացում» կուսակցությունում և իշխող դաշինքի անդամներին․ այս իրադարձությունները դուրս են եկել մեր կուսակցությունների և քաղաքական իդեալների սահմաններից: Գործընթացն այժմ վերաբերում է մեր ազգին, հատկապես, մեր ընտանիքներին։ Եկել է մեր ձայնը բարձրացնելու ժամանակը»։

Թարգմանությունը՝ Էմմա Չոբանյանի