25.05.2026 | 10:59
Զովունիում առանձնապես խոշոր չափի թմրամիջոցի մաքսանենգության կասկածանքով երկու տղամարդ է ձերբակալվել․ ՆԳՆ
Իսրայելը վերսկսել է ցամաքային գործողությունները Գազայում․ գիշերը ավիահարվածների հետևանքով առնվազն 58 մարդ է զոհվել
Քաղաքականություն
20.03.2025 | 15:09
Իսրայելը վերսկսել է Գազայում ցամաքային գործողությունները և պաղեստինցիներին «վերջին նախազգուշացումն» արել՝ վերադարձնել պատանդներին և հեռացնել ՀԱՄԱՍ-ին իշխանությունից, գրում է France 24-ը։
Այս գործողությունը հաջորդել է հունվարին հրադադարի հաստատումից հետո Գազայի վրա Իսրայելի ամենաուժեղ ավիահարվածներին։ Իսրայելցի զինվորականները հայտարարել են, որ «սկսել են թիրախավորված ցամաքային գործողություններ Գազայի հատվածի կենտրոնական և հարավային հատվածում՝ անվտանգության պարագիծն ընդլայնելու և հյուսիսի ու հարավի միջև մասնակի բուֆեր ստեղծելու համար»:
Իսրայելցի զինվորականները նաև հայտարարել են, որ պաղեստինցիներին այլևս թույլ չի տրվի հյուսիս հարավից մուտք գործել Գազա, քանի որ նրանք ուժեղացնում են իրենց հարձակումները։
«Վերջին 24 ժամվա ընթացքում Իսրայելի պաշտպանության բանակի զինվորները թիրախավորված ցամաքային գործողություն են սկսել Գազայի հատվածի կենտրոնական և հարավային հատվածում՝ հյուսիսային ու հարավային մասերի միջև անվտանգության գոտին ընդլայնելու նպատակով»,- ասել է բանակի խոսնակ Ավիչայ Ադրեյը։
Նա նշել է, որ անվտանգության համար արգելվում է շարժվել Սալահ ադ-Դին ճանապարհի երկայնքով Գազայի հատվածի հյուսիսային և հարավային մասերի միջև՝ ցանկացած ուղղությամբ։
Գազայի հատվածում իսրայելական հարվածների հետևանքով գիշերը զոհվել է առնվազն 58 պաղեստինցի։ Այս մասին են վկայում երեք հիվանդանոցների տվյալները։
Հարվածներ են հասցվել մի քանի տների, մարդիկ սպանվել են քնած ժամանակ։
Գազայի առողջապահության նախարարությունն ավելի վաղ հայտնել էր առնվազն 37 զոհի մասին, մինչդեռ առողջապահության ոլորտի պաշտոնյաներից մեկը Reuters-ին ասել էր 70 զոհի մասին։
Թարգմանությունը՝ Էմմա Չոբանյանի
