06.09.2026 | 10:45
Սպիտակ տուն․ ԱՄՆ բանագնացները Ռուսաստանում քննարկել են Ուկրաինայի հարցով «կոնկրետ ծրագրերը»
Վերջերս 20 տարեկան կալանավոր է մահացել ՔԿՀ-ի հիվանդանոցում. Թորոսյան․ ՏԵՍԱՆՅՈՒԹ
Հասարակություն
20.03.2025 | 14:04
ԱԺ պաշտպանության և անվտանգության մշտական հարցերի հանձնաժողովում քննարկվեց «Ձերբակալված և կալանավորված անձանց պահելու մասին օրենքում լրացումներ և փոփոխություններ կատարելու մասին հարցը։
Հարցը զեկուցող ՆԳ նախարարի տեղակալ Արմեն Ղազարյանը հայտնեց, որ նախագծով առաջարկվում է նախատեսել, որ ձերբակալված և կալանավորված անձինք ՁՊՎ կամ կալանավորվածներին պահելու վայր ընդունվելիս բոլոր դեպքերում ենթարկվում են բժշկական զննության, այլ ոչ թե միայն այն դեպքում, երբ նրանց մոտ հայտնաբերվել է մարմնական վնասվածք, ինչպես նախատեսված է գործող օրենքով:
«Ձերբակալված անձինք պետք է բժշկական զննության ենթարկվեն ձերբակալված անձանց պահման վայր բերվելուց հետո ոչ ուշ, քան 3 ժամվա ընթացքում, իսկ կալանավորված անձինք՝ կարանտինային բաժանմունք տեղափոխվելուց ոչ ուշ, քան 24 ժամվա ընթացքում: Որպես հավելյալ երաշխիք՝ նախատեսվում է նաև հնարավորություն, որով բժշկական զննությանը կկարողանա մասնակցել ձերբակալված կամ կալանավորված անձի ընտրած բժիշկը»,- նշեց փոխնախարարը։
Նա ասաց, որ առաջարկվում է սահմանել նաև ձերբակալված և կալանավորված անձին բժշկական զննության ենթարկած բժշկի կողմից խոշտանգման կամ վատ վերաբերմունքի հետ կապված դեպքերը, եթե առկա է ձերբակալված կամ կալանավորված անձի գրավոր կամ բանավոր հայտարարությունը կամ դիմումը կամ նմանատիպ նախանշաններ է հայտնաբերել բուժաշխատողը։
Առողջապահության մշտական հանձնաժողովի նախագահ Արսեն Թորոսյանն իր ելույթում անդրադարձավ նաև խոշտանգումների դեպքերի՝ նշելով, որ դրանք դատարապարտել էին, և պետք է նման դեպքեր չլինեն։ Թորոսյանը նաև ասաց, որ վերջերս 20 տարեկան կալանավոր է մահացել ՔԿՀ-ի հիվանդանոցում։
Մանրամասները՝ տեսանյութում։
