13.01.2026 | 14:49
Սա ինձ համար անձնական ողբերգություն է. Պապիկյանը՝ 15 զինվորի կյանք խլած Ազատի կացարանի հրդեհի մասին. ՏԵՍԱՆՅՈՒԹ
Քրգործն աղմուկ-աղաղակով հարուցվել է 2018-ին, հիմա հարցնում ենք ասում են` նախաքննություն է․ Փաշինյան․ ՏԵՍԱՆՅՈՒԹ
Հասարակություն
20.03.2025 | 11:55
Նիկոլ Փաշինյանն այսօր կառավարության նիստին անդրադարձավ այն քրեական գործերին, որոնք հարուցվել են տարիներ առաջ, բայց որևէ զարգացում չունեն։
«Կան քրեական գործեր, որ 2018 թվականից աղմուկ-աղաղակով հարուցվել են, բայց ի պատասխան «ի՞նչ եղավ» հարցին՝ «նախաքննությունը շարունակվում է» կարճ տեղեկանքն են ստանում։ Կներեք, սա անթույլատրելի է, որովհետև պետք է, ի վերջո, հանրությունը պատասխան ունենա»,- ասաց նա։
Փաշինյանի խոսքով՝ կառավարությունն ու ժողովուրդը Հակակոռուպցիոն կոմիտեի վրա ահռելի ու էական ներդրում են իրականացրել, բայց օպերատիվ չեն։
«Ակնկալում ենք, որ հակակոռուպցիոն պայքարը շատ ավելի էֆեկտիվ կլինի, անթույլատրելի է, որ կարող է դեպք լինել, որ քրեական գործ հարուցվի, դրվի դարակում ու քրեական գործի մասին հիշենք 5-ից 12 տարի հետո, պարզվի՝ նախաքննությունը շարունակվում է»,- ընդգծեց նա։
Վարչապետը նշեց, որ նման իրավիճակ է նաև Քննչական կոմիտեում։
«Կան մեղավորներ, թող համապատասխան ընթացակարգ ապահովվի։ Մենք այն կանխավարկածով չենք, որ գործը գնաց դատարան, պետք է անպայման մեղադրական դատավճռով պսակվի, բայց եթե մեկ-երկու-երեք-չորս ու դա կապվում է նույն քննիչի, նույն դատախազի հետ, պետք է լույս վառվի, որ ինչ-որ բան այնպես չէ»,- ասաց նա։
Ըստ Փաշինյանի՝ դատաիրավական համակարգում, հատկապես Հակակոռուպցիոն կոմիտեում, շատ կարևոր աշխատանք կա անելու։
Մանրամասները՝ տեսանյութում։
