08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ՌԴ-ի, Հայաստանի և Ադրբեջանի եռակողմ աշխատանքային խումբը չի փակվել․ Օվերչուկ
Քաղաքականություն
18.03.2025 | 17:15
Մոսկվայի, Բաքվի ու Երևանի եռակողմ աշխատանքային խումբը չի փակվել, գործընկերների դիմելու դեպքում Ռուսաստանը հաճույքով կշարունակի աշխատանքը։ Այս մասին Ռուսաստանի արդյունաբերողների և ձեռնարկատերերի միության համագումարի շրջանակում լրագրողներին հայտարարել է ՌԴ փոխվարչապետ Ալեքսեյ Օվերչուկը, գրում է ՏԱՍՍ-ը։
«Ինչ վերաբերում է փոխվարչապետների եռակողմ աշխատանքային խմբին, ապա այն սահմանվել է 2020 թվականի նոյեմբերի 9-10-ի հայտարարության շրջանակում Ռուսաստանի Դաշնության, Հայաստանի և Ադրբեջանի ղեկավարների համատեղ հայտարարությամբ։ Այժմ այն քնած վիճակում է։ Դա կարելի է փաստել, բայց մենք գիտենք, որ այս թեմայով շփումներ են իրականացվում գործընկերների միջև»,- ասել է նա՝ հավելելով, որ այն չի փակվել։
«Ոչ ոք այն չի փակել, և եթե գործընկերները դիմեն մեզ, մենք կարող ենք ինչ-որ կերպ կարող ենք օգտակար լինել։ Բայց դա կախված է գործընկերներից»,- հայտարարել է Օվերչուկը:
Թարգմանությունը՝ Էմմա Չոբանյանի
