24.06.2026 | 20:10
Զինվորի տունը՝ նաև երեխաների համար․ վերականգնողական նոր բաժանմունք է բացվել. ՏԵՍԱՆՅՈՒԹ
Կրեմլը հայտնել է Պուտին-Թրամփ հեռախոսազրույցի ժամն ու քննարկման օրակարգը
Քաղաքականություն
18.03.2025 | 13:59
Ռուսաստանի և ԱՄՆ նախագահներ Վլադիմիր Պուտինի ու Դոնալդ Թրամփի հեռախոսազրույցը տեղի կունենա երեքշաբթի՝ Մոսկվայի ժամանակով 16:00-18:00-ն ընկած ժամանակահատվածում։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է Ինտերֆաքսը։
Հարցին՝ արդյո՞ք առաջնորդները զրույցի ժամանային սահմանափակում ունեն, Պեսկովը պատասխանել է․ «Առաջնորդները խոսելու են այնքան, որքան անհրաժեշտ կհամարեն»։
Նրան նաև խնդրել են մեկնաբանել Թրամփի վերջին հայտարարությունը, թե առաջիկա զրույցի շատ թեմաներ արդեն համաձայնեցված են։
«Ինչպես գիտեք՝ եղել են որոշակի քննարկումներ։ Պարոն Ուիթկոֆը եղել է Մոսկվայում, Ստամբուլում բանակցություններ են անցկացվել։ Ավելի վաղ եղել է երկու նախագահների առաջին հեռախոսազրույցը։ Հետևաբար, կա որոշակի ըմբռնում»,- ասել է Պեսկովը։
Ըստ Կրեմլի խոսնակի՝ «մեծ թվով հարցեր կան՝ կապված երկկողմ հարաբերությունների հետագա կարգավորման, ուկրաինական կարգավորման հետ»։
«Այդ ամենը պետք է քննարկվի երկու նախագահների կողմից։ Մենք ձեզ կտեղեկացնենք այդ զրույցի արդյունքների մասին, ինչպես սովորաբար անում ենք։ Կանենք դա հնարավորինս արագ»,- ընդգծել է Պեսկովը։
Հիշեցնենք, որ ԱՄՆ նախագահ Դոնալդ Թրամփը հայտարարել էր, որ Ուկրաինայի խաղաղության համաձայնագրի շատ տարրեր համաձայնեցվել են:
Թարգմանությունը՝ Էմմա Չոբանյանի
