18.03.2025 | 23:52
Թրամփը Պուտինի հետ զրույցը շատ արդյունավետ է անվանել
Մեծ Բրիտանիան ու ԵՄ-ն քննարկում են ռուսական սառեցված ակտիվների առգրավման հարցը․ Bloomberg
Քաղաքականություն
18.03.2025 | 18:16
Մեծ Բրիտանիան ու Եվրամիությունը կշարունակեն բանակցությունները, թե ինչպես առգրավել ռուսական սառեցված ակտիվները՝ համատեղ պաշտպանական ծախսերը մեծացնելու համար, քանի որ նրանք ուղիներ են փնտրում ՌԴ նախագահ Վլադիմիր Պուտինի վրա տնտեսական ճնշումը մեծացնելու համար՝ Ուկրաինայում նրա պատերազմին վերջ տալու ցանկացած խաղաղության բանակցություններից առաջ, գրում է Bloomberg գործակալությունը։
Բրիտանիայի ԱԳ նախարար Դեյվիդ Լամմին և ԵՄ դիվանագիության ղեկավար Կայա Կալլասը կքննարկեն «նորարարական նախաձեռնությունները»՝ համատեղ խթանելու եվրոպական պաշտպանական ֆինանսավորումը և ռազմական պատրաստվածությունը Լոնդոնում նախատեսված հանդիպմանը։
Բանակցությունները ներառելու են հարցեր, թե ինչպես է Եվրոպան իրեն ապահովելու իրավական ու ֆինանսական ծածկույթով՝ ռուսական միլիարդավոր ակտիվների առգրավման համար։
Ռուսական ակտիվների հնարավոր բռնագրավման նախապատրաստական աշխատանքները, ըստ աղբյուրների, իրականացվում են՝ չնայած մի շարք եվրոպական երկրներ, այդ թվում՝ Գերմանիան և Բելգիան, դեմ են նման քայլին։ Նրանք կարծում են, որ ռուսական ակտիվների բռնագրավումը կարող է խախտել միջազգային իրավունքը և ազդել եվրոյի փոխարժեքի վրա։
«Միացյալ Նահանգները չէ, որ հետևողական մտահոգություններ է բարձրացնում ինքնիշխան ակտիվների վերաբերյալ, դա իրականում Եվրոպայի ներսում է»,- ասել է Լամմին։
Թարգմանությունը՝ Էմմա Չոբանյանի
