09.08.2026 | 16:37
Վթարային ջրանջատում Կտայքում և Երևանում
Լիտվայի իշխանությունները ՌԴ հետախուզությանը մեղադրում են Վիլնյուսում IKEA խանութի պահեստի հրկիզումը կազմակերպելու մեջ
Քաղաքականություն
17.03.2025 | 23:14
Լիտվայի իշխանությունները Ռուսաստանի Դաշնության ԳՇ գլխավոր վարչությանը մեղադրել են Վիլնյուսում IKEA խանութի պահեստի հրկիզումը կազմակերպելու մեջ, գրում է Current time-ը։
Դեպքը տեղի է ունեցել 2024 թվականի մայիսի 9-ին։ Հրկիզման մեղադրանքով ձերբակալվել են մինչև 20 տարեկան Ուկրաինայի երկու քաղաքացիներ, որոնցից մեկն անչափահաս է։
Նրանք մեղադրվում են ահաբեկչություն կազմակերպելու և պայթուցիկ նյութեր պահելու մեջ։ Հետաքննությունն իրականացվել է լեհ քննիչների հետ համատեղ, քանի որ մեղադրյալներից մեկը ձերբակալվել է Լեհաստանում, որտեղ էլ նա կանգնելու է դատարանի առաջ։
«Հավաքված տվյալները մեզ թույլ տվեցին եզրակացնել, որ կազմակերպիչը ռուսական ռազմական հետախուզությունն է: Այս ուղղությամբ հետաքննությունը շարունակվում է»,- ասել է Գլխավոր դատախազության կազմակերպված հանցավորության հետաքննության վարչության պետ Արտուրաս Ուրբյալիսը:
Դատախազությունը կարծում է, որ IKEA-ն ահաբեկչության համար ընտրվել է այն պատճառով, որ ցանցը հեռացել է Ռուսաստանից։ Հրդեհի պատճառած վնասը կազմել է 485 հազար եվրո։
Թարգմանությունը՝ Էմմա Չոբանյանի
