15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Սթարմերը պատրաստ է բրիտանական զորքեր տեղակայել Ուկրաինայում «այնքան ժամանակ, որքան կպահանջվի»
Քաղաքականություն
17.03.2025 | 21:47
Մեծ Բրիտանիայի վարչապետ Քիր Սթարմերը պատրաստ է անժամկետ պարտավորություն ստանձնել՝ արևմտյան դաշնակիցների հետ միասին բրիտանական զորքեր տեղակայել Ուկրաինայում «այնքան ժամանակ, որքան կպահանջվի»՝ փորձելով պահպանել հետպատերազմյան խաղաղությունը։ Այս մասին գրում է բրիտանական The Times-ը, փոխանցում է BBC-ի ռուսական ծառայությունը:
Նա հայտնել է, որ «ցանկացողների կոալիցիայի» պաշտպանության ղեկավարները հինգշաբթի կհանդիպեն Լոնդոնում՝ քննարկելու «ամբողջ հստակությամբ», որտեղ պետք է տեղակայվեն խաղաղապահ ուժերը։
Մոտ կես տասնյակ երկրներ, այդ թվում՝ Մեծ Բրիտանիան, Ֆրանսիան, Թուրքիան, Կանադան և Ավստրալիան, քննարկում են Ուկրաինա մինչև 30 հազար զինվորականի ուղարկելու ծրագրերը։ Մյուս երկրները պատրաստ են օգնել զենքի և լոգիստիկայի հարցում։
Սթարմերը հրաժարվել է ասել՝ արդյո՞ք խաղաղապահ ուժերը հարձակման դեպքում կարող են կրակ բացել ռուս զինվորների վրա։
Առաջիկա օրերին, հավանաբար, կքննարկվեն «զենքի օգտագործման կանոնները»:
Միաժամանակ, լրատվամիջոցը հիշեցնում է, որ Սթարմերը հասկացրել է՝ Մեծ Բրիտանիան առանց ԱՄՆ-ի անվտանգության երաշխիքների զորքեր չի մտցնի Ուկրաինա։
Թարգմանությունը՝ Էմմա Չոբանյանի
