08.09.2026 | 22:48
Զելենսկին հայտնել է սեպտեմբերի վերջին Թրամփի հետ հանդիպելու ծրագրերի ու Ուկրաինա-ԱՄՆ-ՌԴ հնարավոր բանակցությունների մասին
Ալիևն ու Մատվիենկոն Ադրբեջանի և ՌԴ-ի համագործակցության ընդլայնման հարցեր են քննարկել
Քաղաքականություն
17.03.2025 | 15:09
Ադրբեջանի նախագահ Իլհամ Ալիևն ընդունել է ՌԴ Դաշնային ժողովի Դաշնության խորհրդի նախագահ Վալենտինա Մատվիենկոյին։ Ռուսական կողմի փոխանցմամբ՝ Ալիևն ու Մատվիենկոն քննարկել են երկկողմ օրակարգի հարցերի լայն շրջանակ, այդ թվում՝ առևտրատնտեսական և մշակութային համագործակցության ընդլայնումը։
«Անկեղծ ու երկարատև զրույցի ընթացքում քննարկվել է երկկողմ օրակարգի հարցերի լայն շրջանակ, անդրադարձ է կատարվել առևտրատնտեսական և մշակութային համագործակցության ընդլայնման թեմաներին»,- ասվում է հաղորդագրության մեջ։
Մատվիենկոն նշել է նաև, որ Ռուսաստանի և Ադրբեջանի ղեկավարները մշտական կապի մեջ են և շնորհակալություն հայտնել միջխորհրդարանական և միջտարածաշրջանային համագործակցությանը՝ միջպետական հարաբերությունների կարևոր բաղադրիչներին ցուցաբերվող ուշադրության համար: Բացի այդ, զրուցակիցները քննարկել են միջազգային ներկա իրավիճակը։
Ադրբեջանական կողմը դեռևս բանակցություններից մանրամասներ չի ներկայացրել։
Հավելենք, որ Բաքու կատարած իր պաշտոնական այցի շրջանակում Մատվիենոկոն ավելի վաղ հանդիպել էր Ադրբեջանի առաջին փոխնախագահ Մեհրիբան Ալիևային։
Թարգմանությունը՝ Էմմա Չոբանյանի
