08.09.2026 | 23:00
Հայաստանի մի շարք հասցեներում էլեկտրաէներգիայի անջատումներ կլինեն
Գերմանիայի նախագահն առաջին անգամ Հայաստան կժամանի
Քաղաքականություն
17.03.2025 | 14:07
Գերմանիայի նախագահ Ֆրանկ-Վալտեր Շտայնմայերը 2025 թվականի մարտի 30-ից ապրիլի 2-ը կայցելի Հայաստան և Ադրբեջան։ Գերմանիայի նախագահականի հաղորդմամբ՝ սա երկու երկրներ դաշնային նախագահի առաջին այցն է։
Նշվում է, որ Երևանում նա հանդիպելու է ՀՀ նախագահ Վահագն Խաչատուրյանի և վարչապետ Նիկոլ Փաշինյանի հետ։ Շտայնմայերը կայցելի նաև «ԹՈՒՄՈ» կենտրոն և կմասնակցի մշակութային ընդունելությանը։
Հայաստան այցի երկրորդ օրը Շտայնմայերը մեկնելու է Դիլիջան, որտեղ նախատեսվում է հանդիպում հայ կին ձեռներեցների հետ, ծանոթանալու է քաղաքաշինական զարգացման ծրագրին։ Ծրագրում նաև այցելություն է Սևան, հայկական եկեղեցի և հիդրոօդերևութաբանական չափիչ կայան։
Բաքու կատարած այցի ընթացքում նա հանդիպելու է Ադրբեջանի նախագահ Իլհամ Ալիևի հետ։ Նախատեսվում է քննարկում քրիստոնյա, մահմեդական և հրեա հոգևորականների հետ հանդուրժողականության ու միջկրոնական փոխըմբռնման վերաբերյալ: Նա կմասնակցի նաև Ադրբեջանում կանանց իրավիճակին նվիրված քննարկմանը։
Թարգմանությունը՝ Էմմա Չոբանյանի
