Իշխանությունն ինքն անվստահություն ունի Ադրբեջանի հետ խաղաղության հասնելու հեռանկարի շուրջ. Խառատյան. ՏԵՍԱՆՅՈՒԹ

Իշխանությունն ինքն անվստահություն ունի Ադրբեջանի հետ խաղաղության հասնելու հեռանկարի շուրջ. Խառատյան «Ի՞նչ ծխածածկույթ, Բաքվի դատավարությունը ձեռնոց է, մարտահրավեր, հնչող մեղադրանքներն էլ բոլորինս են, դրանք ողջ հայ ժողովրդին կարելի է վերագրել»,-Factor TV-ի հետ զրույցում նշում է ազգագրագետ Հրանուշ Խառատյանը` անդրադառնալով ՀՀ վարչապետ Նիկոլ Փաշինյանի այն խոսքերին, թե «ծխածածկույթ են Բաքվում տեղի ունեցող դատավարությունները, որոնք մի նպատակ ունեն` զրոյացնել այն ձեռքբերումները, որոնք ունեցել ենք խաղաղության գործընթացում»:

Հրանուշ Խառատյանը Հայաստանի և Ադրբեջանի միջև խաղաղության հաստատման հնարավորություն այս պահին չի տեսնում, պատճառներից մեկն էլ, նրա խոսքով, այն է, որ միջամտողները կշիռ չունեն. «Իշխանությունն ինքն անվստահություն ունի Ադրբեջանի հետ խաղաղության հասնելու հեռանկարի շուրջ, ժողովուրդն` առավել ևս: Այն, ինչ այսօր կատարվում է Բաքվի բանտում, այդ անվստահությունը սնող գլխավոր պատճառներից է»,-ասում է նա: Ազգագրագետը, անդրադառնալով Արցախի նախկին պետնախարար Ռուբեն Վարդանյանի ուղերձներից մեկում հնչած այն մտքին, թե միայն էլիտա, արժանապատվություն, պատիվ ունեցող երկրի հետ կարող են իրական պայմանավորվածություններ ձեռք բերվել, տեսակետ է հայտնում. «Ո´չ Հայաստանում, ո´չ Ադրբեջանում չկա արժանապատվության, ազնվության, առաքինությունների շուրջ կառուցված, քաղաքական վարք ձևավորող էլիտա»:

Մանրամասները`տեսանյութում:

Աննա Բաբաջանյան