ՀՅԴ-ն վճռական է թշնամական երկրի պահանջով ՀՀ-ում Սահմանադրության փոփոխությունը թույլ չտալու հարցում․ հայտարարություն

Լուրեր

18.03.2025 | 10:04
ԱԺ մարդու իրավունքների պաշտպանության և հանրային հարցերի հանձնաժողովի նիստը. ՈՒՂԻՂ
18.03.2025 | 10:03
Երևանի ավագանու նիստը՝ ՈՒՂԻՂ
18.03.2025 | 09:49
Այրվել է «Maserati» մակնիշի ավտոմեքենա
18.03.2025 | 09:33
3 օր անընդմեջ Ադրբեջանի ՊՆ-ն ապատեղեկատվություն է տարածում․ ՀՀ ՊՆ
18.03.2025 | 09:30
Փակ են դեպի Քարի լիճ և Ամբերդ ամրոց տանող ավտոճանապարհները
17.03.2025 | 23:53
Երկու ոսկե մեդալ՝ հատուկ օլիմպիադաների աշխարհի ձմեռային խաղերից
17.03.2025 | 23:45
Հայաստանի մի շարք հասցեներում էլեկտրաէներգիայի անջատումներ կլինեն
17.03.2025 | 23:37
ԱՄՆ-ն դիտարկում է ուկրաինական Ղրիմը ռուսական տարածք ճանաչելու հնարավորությունը. ԶԼՄ-ներ
17.03.2025 | 23:26
Ադրբեջանի իշխանությունները հետախուզում են հայտարարել արտերկրում բնակվող Ալիևի քննադատ ադրբեջանցի բլոգերների նկատմամբ
17.03.2025 | 23:23
Գևորգ Քոչարյանը նշանակվել է արդարադատության նախարարի տեղակալ
17.03.2025 | 23:14
Լիտվայի իշխանությունները ՌԴ հետախուզությանը մեղադրում են Վիլնյուսում IKEA խանութի պահեստի հրկիզումը կազմակերպելու մեջ
17.03.2025 | 23:02
«Երևան-Սևան Մ4» ճանապարհի մի հատվածում իրականացվելու է հարկադիր քարաթափում
17.03.2025 | 22:53
Ադրբեջանի ՊՆ-ն կրկին ապատեղեկատվություն է տարածել. ՀՀ ՊՆ
17.03.2025 | 22:29
Թուրքիան 2 տարում ավելի քան 1000 զրահամեքենա է մատակարարել տարբեր երկրներ, այդ թվում՝ Ադրբեջան․ ՄԱԿ-ի զեկույց
17.03.2025 | 22:14
Մհեր Գրիգորյանը «Վիզ էյր»-ի ներկայացուցիչների հետ քննարկել է ընկերության գործունեության ընդլայնման հնարավորությունները
Բոլորը

ՀՅԴ Հայաստանի Գերագույն Մարմինը հայտարարություն է տարածել ՀՀ Սահմանադրությունը փոխելու մտադրության առնչությամբ։

Հայտարարությունը՝ ստորև․

«Հայ Հեղափոխական Դաշնակցությունը, որի գերագույն նպատակը սեփական Հայրենիքում հայ ժողովրդի անվտանգության և բարգավաճման ապահովումն է, չի կարող դեմ լինել տարածաշրջանում կայուն խաղաղությանը։ Սակայն ուժի սպառնալիքով Ադրբեջանի հետ ձեռք բերված պայմանավորվածություններն ու հերթական նոր զիջումները որևէ առնչություն չունեն իրական և կայուն խաղաղության գործընթացի հետ։

Տևական և կայուն խաղաղություն հաստատելու համար անհրաժեշտ է, որպեսզի Ադրբեջանի հետ համաձայնագիրը լինի հարաբերությունների կարգավորման ամբողջական փաստաթուղթ, հարգի հայկական կողմի օրինական շահերը և ընդգրկի լուծումներ՝ կարգավորման ենթակա հարցերի ողջ փաթեթով։

Մինչդեռ Ադրբեջանի հետ ձեռք բերված պայմանավորվածություններն ու համաձայնեցված փաստաթուղթը չի հստակեցնում Հայաստան-Ադրբեջան սահմանագիծը, չի ապահովում Ադրբեջանի զինված ուժերի դուրսբերումը Հայաստանի ինքնիշխան տարածքներից, չի կանխում Ադրբեջանի հետագա ագրեսիան, անգամ չի անդրադառնում նոյեմբերի 9-ի եռակողմ հայտարարությամբ ամրագրված Արցախի և արցախահայության իրավունքներին, այդ թվում՝ սեփական հայրենիքում անվտանգ ապրելու խախտված իրավունքի վերականգնմանը, չի լուծում Ադրբեջանում պահվող հայ ռազմագերիների վերադարձի խնդիրը։

Բանակցված փաստաթուղթն, ըստ էության, նշանակում է ադրբեջանական պահանջների անվերապահ վավերացում։
Միաժամանակ, ՀՀ-ին շարունակաբար ներկայացվող նոր նախապայմանները, մասնավորապես՝ միջանցքի տրամադրման, սահմանադրության փոփոխության, ՀՀ-ում ադրբեջանցիների բնակեցման, «Ադրբեջանի դեմ ռազմական հանցագործություններ գործած անձանց» արտահանձնման, միջազգային դատական ատյաններից ՀՀ հայցերը հետ կանչելու, Հայաստանի ապառազմականացման, ԵԱՀԿ Մինսկի խմբի լուծարման վերաբերյալ հնչող պահանջներն ուղղակիորեն խարխլում են Հայաստանի ինքնիշխանությունը։

Ակնհայտ է, որ նման փաստաթղթով Ադրբեջանն, ըստ էության, նպատակադրվում է փակել Արցախի հարցը, ձգտում է դե յուրե ամրագրել ցեղասպանությամբ, ուժի և ուժի սպառնալիքի կիրառմամբ իր ձեռքբերածը՝ միաժամանակ պահպանելով Հայաստանից այլ զիջումներ կորզելու հնարավորությունը։


ՀՅԴ Հայաստանի Գերագույն Մարմինը խստորեն դատապարտում է գաղտնի բանակցությունների արդյունքում Հայաստանին և հայ ժողովրդին պարտադրվող նոր զիջումները և հայտարարում, որ չի ընդունելու որևէ փաստաթուղթ, որը ստորագրվել է Հայաստանի պետական շահերի հաշվին։


ՀՅԴ-ն վճռական է ՀՀ ինքնիշխանության, անվտանգության ապահովման, ինչպես նաև թշնամական երկրի պահանջով ՀՀ-ում Սահմանադրության փոփոխությունը թույլ չտալու հարցում»։