06.10.2026 | 09:45
Մեղրիում հրդեհ է բռնկվել երկհարկանի տանը․ այրվել է շուրջ 200 քմ տարածք
Բաքվում շինծու դատական նիստում Արայիկ Հարությունյանին հարցեր են ուղղել Ռուբեն Վարդանյանի մասին
Քաղաքականություն
14.03.2025 | 21:36
Բաքվի զինվորական դատարանում այսօր տեղի է ունեցել Արցախի ղեկավարների և այլ պաշտոնյաների շինծու գործերով հերթական դատական նիստը՝ դատավոր Զեյնալ Աղաևի նախագահությամբ։ Ադրբեջանական լրատվամիջոցների հաղորդմամբ՝ դատավարության ընթացքում հարցեր են ուղղվել Արցախում նրանց գործառույթների ու այլնի վերաբերյալ։
Արցախի նախկին նախագահ Բակո Սահակյանին հարցեր են ուղղել երկրի բյուջեի, Զինված ուժերի, զինվորականներրի աշխատավարձերի մասին։ Խոսելով «Իսկանդեր Մ», «Տոչկա Ու» հրթիռների և այլ զինատեսակների մասին՝ նա նշել է, որ դրանք Արցախի տարածքում չեն եղել, համենայն դեպս, իր նախագահության տարիներին։
Արցախի նախկին Արայիկ Հարությունյանն էլ նշել է, որ պաշտոնը ստանձնել է 2020 թվականի մայիսի վերջին։
«Հունիսին Հայաստանում տեղի ունեցավ Անվտանգության խորհրդի համատեղ նիստ։ Այնտեղ ես հանդիպեցի ՀՀ նախագահի և վարչապետի հետ, քննարկեցինք քաղաքական իրավիճակը, այսինքն՝ բանակցային գործընթացը։ Օգոստոսի վերջին ՀՀ վարչապետը եկավ Ղարաբաղ, ես նրան ընդունեցի»,- ասել է Հարությունյանը։
Ըստ ադրբեջանական կողմի՝ նա պատմել է նաև Արցախի նախկին պետնախարար Ռուբեն Վարդանյանի մասին, որը նույնպես ապօրինի պահվում է Բաքվում
«Ռուբեն Վարդանյանին ճանաչում եմ 2005 թվականից։ Ես նրան բազմիցս հանդիպել եմ։ Վերջին հանդիպումը նախատեսված էր անցկացնել 2023 թվականի օգոստոսին, սեպտեմբերին և հոկտեմբերին։ Նա շուրջ երեք ամիս եղել է պետնախարար»,- ասել է Արայիկ Հարությունյանը։
Շինծու գործերով հաջորդ դատական նիստը նշանակվել է մարտի 17-ին։
Թարգմանությունը՝ Էմմա Չոբանյանի
