14.09.2026 | 21:13
Oգոստոսի կլիմայական պայմանները Հայաստանում
ՄԱԿ-ից պահանջում ենք մասնակցել Բաքվի դատավարություններին. Մեսրոպ Առաքելյան․ ՏԵՍԱՆՅՈՒԹ
Հասարակություն
14.03.2025 | 15:08
«Այսօր հասարակական-քաղաքական թիվ մեկ օրակարգը դարձել է Բաքվում գտնվող մեր հայրենակիցների ազատման հարցը»,- այս մասին ՄԱԿ-ի երևանյան գրասենյակի մոտ բողոքի ակցիայի ժամանակ հայտարարեց «Ապրելու երկիր» կուսակցության համահիմնադիր Մեսրոպ Առաքելյանը:
«Սա շատ կարևոր է, որ ի տարբերություն իշխանությունների լռության, միջազգային հանրությունը տեսնի՝ ՀՀ քաղաքացիները պահանջատեր են, պատասխանատու են մեր հայրենակիցների համար և սպասում են նրանց վերադարձին, որ ՀՀ-ը հայ ժողովուրդն է և ոչ թե Նիկոլ Փաշինյանը և իր խմբակը»,- նշեց Մեսրոպ Առաքելյանը։
Ակցիայի մասնակիցները ՄԱԿ-ի կառույցներից պահանջում են այցելել Բաքվում պահվող գերիներին։
«Նրանց առողջական վիճակի և բռնությունների վերաբերյալ հստակ գնահատական տալով և գործողություններ կիրառելով Ադրբեջանի նկատմամբ, ինչպես նաև ներկա գտնվեն կեղծ դատավարությանը, քանի որ ինչպես հայտնի է՝ այդ դատավարության վերաբերյալ տեղեկատվություն ստանում ենք բացառապես Ադրբեջանի պետական քարոզչամեքենայի միջոցով՝ չունենալով որևիցե այլ տեղեկատվությունը, թե ինչ ցուցմունքներ են տալիս գերիներն ու վկաները։ Դրա համար շատ կարևոր է միջազգային հանրության ներկայությունն այդ կեղծ դատավարությանը»,- ընդգծեց Առաքելյանը։
Մանրամասները՝ տեսանյութում։
