05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
«Աշխարհահռչակ սուտասան փաստաբան ա». Սարգիս Քլոյանը՝ փաստաբան Արամ Վարդևանյանին․ ՏԵՍԱՆՅՈՒԹ
Հասարակություն
14.03.2025 | 14:24
Հայաստանի երկրորդ նախագահ Ռոբերտ Քոչարյանի և մյուսների գործով նիստի մեկնարկին 2008-ի մարտի 1-ին զոհված Գոռ Քլոյանի հայրը՝ Սարգիս Քլոյանը փաստաբան Արամ Վարդևանյանին «սուտասան» որակեց:
Քլոյանը նախորդ դատական նիստին չէր ներկայացել, այս նիստին ցանկացավ դիրքորոշում հայտնել Արամ Վարդևանյանի՝ նախորդ դատական նիստին արած արտահայտությունների վերաբերյալ: Վարդևանյանը հարց էր բարձրացրել այն մասին, թե արդյոք 2008 թվականի մարտի իրադարձությունների ժամանակ «Մոլոտովի կոկտեյլ» օգտագործող ցուցարարը խաղաղ ցուցարար է:
«Աշխարհահչռակ սուտասան փաստաբան է»,- հայտարարեց Սարգիս Քլոյանը: Դատարանը հայտնեց, որ նման վարքագիծ դրսևորելու դեպքում Քլոյանի նկատմամբ սանկցիա կկիրառվի:
Պաշտպանական կողմը, սակայն, դատավորին մեղադրեց դատավարության կողմերի միջև խտրական վերաբերմունք դրսևորելու մեջ՝ դիրքորոշում հայտնելով, որ փաստաբանի հասցեին վիրավորական արտահայտություն անելու համար Քլոյանի նկատմամբ պետք է սանկցիա կիրառվեր:
Ռոբերտ Քոչարյանն էլ դատարանին հիշեցրեց, որ նախորդ դատական նիստի ընթացքում իր նկատմամբ դատական սանկցիա է կիրառվել ձեռքի շարժման համար, իսկ պաշտպանի նկատմամբ՝ դեմքի արտահայտության՝ ժպտալու համար՝ առաջարկելով, որպեսզի դատարանը հստակեցնի, թե դատական նիստի ընթացքում ինչ կարելի է անել և ինչ՝ ոչ :
Մանրամասները՝ տեսանյութում։
Արաքս Մամուլյան
