25.05.2026 | 13:14
Փաշինյանին էլ են օտարներն աջակցում, վատ եմ գնահատում Ռուբիոյի այցը․ Թաթոյան․ ՏԵՍԱՆՅՈՒԹ
Մեկ օրում արձանագրվել է զոհերով և մարմնական վնասվածքներով ՃՏՊ-ի 9 պատահար
14.03.2025 | 13:46
Ըստ ոստիկանության օպերատիվ հաղորդագրությունների ամփոփագրերի՝ մարտի 13-ից 14-ը ՆԳՆ ոստիկանության ստորաբաժանումները բացահայտել են հանցագործության 123 դեպք, որոնցից 13-ը՝ նախկինում կատարված. տեղեկացնում են ՆԳՆ-ից։
Մասնավորապես՝ թմրանյութի հայտնաբերման՝ 18, տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 16, ֆիզիկական ներգործության ու խարդախություն՝ 11-ական, մարմնական վնասվածք պատճառելու՝ 10, հոգեկան ներգործության և անձնական ունեցվածքի գողության՝ 5-ական, զենք-զինամթերքի առգրավման ու կեղծ փաստաթղթի՝ 5-ական, ծառերը, թփերը ապօրինի հատելու և սառը զենքի հայտնաբերման՝ 3-ական, դրամանենգության, գույքը ոչնչացնելու կամ վնասելու, խուլիգանության, թմրանյութի իրացման և անհետաձգելի միջամտության որոշումը կամ պաշտպանական որոշումը չկատարելու՝ 2-ական, մարդու առևանգման, բնակարանային գողության, պաշտոնեական լիազորությունների չարաշահման, ինքնիրավչության, հետամտելու, աշխատանքի պաշտպանության կանոնները խախտելու, բժշկական գաղտնիքը հրապարակելու, ընդերքի պահպանման կամ օգտագործման պահանջները խախտելու, բնակարանի անձեռնմխելիությունը խախտելու և գրավառուին վնաս պատճառելու՝ 1-ական դեպք։
Նախկինում կատարված հանցագործություններից բացահայտվել է անձնական ունեցվածքի գողության ու դրամանենգության՝ 6-ական, ծառերը, թփերը ապօրինի հատելու՝ 1 դեպք։
Հայտնաբերվել է 2 հետախուզվող, կամավոր ներկայացել՝ 2-ը։
Գրանցվել է զենք-զինամթերքի կամավոր հանձնման 3 դեպք։
Անցած 1 օրվա ընթացքում հանրապետությունում արձանագրվել է զոհերով և մարմնական վնասվածքներով ճանապարհատրանսպորտային 9 պատահար․ 1 մարդ զոհվել է, 11-ը ստացել տարբեր աստիճանի մարմնական վնասվածքներ։
