25.05.2026 | 13:31
Ռուբիոն հայտարարել է, որ Իրանի հետ «ամուր» համաձայնագիրը կարող է լինել արդեն այսօր
Բաքվում շինծու գործերով դատական նիստում Արկադի Ղուկասյանը հայտարարություն է արել
Քաղաքականություն
13.03.2025 | 20:37
Բաքվի զինվորական դատարանում շարունակվող Արցախի ղեկավարների շինծու գործերով դատական նիստում Արկադի Ղուկասյանը հայտարարություն է արել։ Ըստ ադրբեջանական լրատվամիջոցների՝ Արցախի նախկին նախագահը նշել է, թե «ԼՂ-ի բանակի բյուջեն ձևավորվել է Հայաստանի կողմից»։
Նա ասել է, թե Հայաստանի կողմից հատկացվող միջոցները կոչվում էին վարկեր, սակայն այդ «վարկերն անտոկոս էին և անժամկետ»։
«Այն ժամանակ դա կոչվում էր «անտոկոս վարկ»։ Այսինքն՝ մոտ ապագայում վարկերի մարման մասին խոսք չի եղել։ Բացի այդ, Հայաստանում լուծվել են մաքսային հարցեր՝ կապված Ղարաբաղ ներմուծվող և արտահանվող ապրանքների հետ։ Անտոկոս վարկերի մեջ ներառվել են նաև Հայաստանի պետական մաքսային ծառայությունից հավաքագրված միջոցները՝ կապված Ղարաբաղից արտահանման և ներմուծման հետ»,- ասել է նա։
Հավելենք, որ այսօրվա նիստին ավելի վաղ հարցերի էր պատասխանել ԱՀ Պաշտպանության բանակի նախկին հրամանատարի առաջին տեղակալ, գեներալ-մայոր Դավիթ Մանուկյանը։
Թարգմանությունը՝ Էմմա Չոբանյանի
