05.06.2026 | 13:44
«Հայաստան» դաշինքն ամփոփում է քարոզարշավը. ՈՒՂԻՂ
ՊՆ նախկին պաշտոնյան մեղադրվում է Իսակովի պողոտայում ինքն իրեն հողամասեր ապօրինի օտարելու մեջ․ ՏԵՍԱՆՅՈՒԹ
Հասարակություն
13.03.2025 | 17:51
Պաշտպանության նախարարության կապիտալ շինարարության և զորքերի բնակապահովման վարչության նախկին պետ Արմեն Սարգսյանը մեղադրվում է Իսակովի պողոտայում ինքն իրեն հողամասեր օտարելու մեջ: Առուվաճառքի գործարքը, սակայն, կնքվել է ոչ թե Պաշտպանության նախարարության և Արմեն Սարգսյանի, այլ նախարարության և Սարգսյանի քրոջ ամուսնու՝ Հրահատ Ստեփանյանի միջև:
Մեղադրող Գորիկ Հովակիմյանն այսօր հանդես եկավ բացման խոսքով, որի շրջանակներում ներկայացրեց Արմեն Սարգսյանին վերագրվող արարքները, նշեց Իսակովի պողոտայի այն բոլոր հողատարածքները, որոնք 2005-2006 թվականներին՝ Սերժ Սարգսյանի՝ ՊՆ նախարար եղած ժամանակ օտարվել են: Ըստ դատախազության՝ դրանք օտարվել են օրենքի խախտմամբ՝ ուղղակի վաճառքով այն դեպքում, երբ պետք է աճուրդ հայտարարվեր:
Ուղղակի վաճառքով օտարված հողակտորներից երկուսը, ըստ Դատախազության, Արմեն Սարգսյանն է գնել:
Ընդհանուր առմամբ՝ Արմեն Սարգսյանին 19 դրվագ օրենքի խախտմամբ հող օտարելու արարք է վերագրվում: Մեկ դրվագով Իսակովի պողոտայում հող օտարելիս Պաշտպանության նախարարը եղել է ոչ թե Սերժ Սարգսյանը, այլ Միքայել Հարությունյանը:
Արաքս Մամուլյան
