08.09.2026 | 21:50
Գագիկ Խաչատրյանի միլիարդները մի բանակի ունեցվածք է․ ՀՀ-ի դեմ մեծ հանցագործություն է տեղի ունեցել․ Գուրգեն Սիմոնյան. ՏԵՍԱՆՅՈՒԹ
Ռուսաստանը ոչ թե ժամանակավոր հրադադար, այլ երկարաժամկետ կարգավորում է ուզում․ Կրեմլ
Քաղաքականություն
13.03.2025 | 17:10
ՌԴ նախագահ Վլադիմիր Պուտինի օգնական Յուրի Ուշակովը «Россия-1» հեռուստաալիքի եթերում հայտարարել է, որ Ռուսաստանի իշխանությունները շահագրգռված են Ուկրաինայի հետ հակամարտության երկարաժամկետ կարգավորմամբ, այլ ոչ թե ժամանակավոր զինադադարով, գրում է Meduza-ն։
«Մենք կարծում ենք, որ մեր նպատակը երկարաժամկետ խաղաղ կարգավորումն է, մենք ձգտում ենք խաղաղ կարգավորման, որը հաշվի կառնի մեր երկրի օրինական շահերը, մեր հայտնի մտահոգությունները։ Ինձ թվում է, որ այս իրավիճակում ոչ մեկին պետք չէ խաղաղ գործողությունների իմիտացիա»,- ասել է Ուշակովը։
Նա հայտնել է, որ ՌԴ-ի դիրքորոշումը ներկայացրել է ԱՄՆ ազգային անվտանգության հարցերով խորհրդական Մայք Ուոլցի հետ հեռախոսազրույցի ժամանակ։
«Ես, բնականաբար, մեկնաբանեցի ժամանակավոր հրադադարի վերաբերյալ ձեռք բերված պայմանավորվածությունները և հայտնեցի մեր դիրքորոշումը, որ սա ոչ այլ ինչ է, քան ժամանակավոր հանգստություն ուկրաինացի զինվորականների համար, ոչ ավելին»,- ասել է ՌԴ նախագահի օգնականը։
Նա նաև հայտարարել է՝ մարտի 13-ին ՌԴ նախագահ Վլադիմիր Պուտինը Պուտինը կարող է «ավելի կոնկրետ և բովանդակալից գնահատականներ» հայտնել Ուկրաինայում ժամանակավոր հրադադար մտցնելու առաջարկի վերաբերյալ։
Թարգմանությունը՝ Էմմա Չոբանյանի
