25.05.2026 | 12:29
«Խոսակցությունները չեն համապատասխանում իրականությանը»․ ԿԳՄՍ-ն՝ Արտամետի Գուրգեն Մարգարյանի անվան դպրոցի փակման մասին
«Ոչ ոք ապահովագրված չէ Թրամփի մարտավարությունից». Կանադայի ահազանգը G7-ի հանդիպմանը
Քաղաքականություն
13.03.2025 | 17:30
Կանադայի արտաքին գործերի նախարար Մելանի Ժոլին ծրագրում է G7-ի իր գործընկերներին Քվեբեկի Շարլվուայում ողջունել հետևյալ նախազգուշացումով. «Եթե ԱՄՆ-ը կարող է դա անել մեզ՝ իր ամենամոտ ընկերոջ հետ, ապա ոչ ոք ապահով չէ»։ Այս մասին գրում է Politico-ն։
Այս շաբաթ G7-ի արտաքին գործերի նախարարների հանդիպման պաշտոնական օրակարգում, որը հյուրընկալում է Կանադան, Ուկրաինայի, Մերձավոր Արևելքի, Հաիթիի և Վենեսուելայի հարցն է, բայց ոչինչ չկա ԱՄՆ նախագահ Դոնալդ Թրամփի առևտրային պատերազմի կամ ինքնիշխանության սպառնալիքների մասին։ Այնուամենայնիվ, Մելանի Ժոլին Օտտավայում լրագրողներին ասել է, որ ծրագրում է այդ հարցը բարձրացնել եվրոպացի գործընկերների հետ։
ԱՄՆ պետքարտուղար Մարկո Ռուբիոն նոր է ժամանելու Սաուդյան Արաբիայի Ջիդդա քաղաքից, որտեղ բանակցում էր Ռուսաստան-Ուկրաինա 30-օրյա զինադադարի պայմանների շուրջ։
Ժոլին նախատեսում է Ռուբիոյի հետ հանդիպմանն «առավելագույն ճնշում» գործադրել Կանադայի ինքնիշխանության և ապրելակերպի պաշտպանության հետ կապված:
«Մենք ոչինչ չենք արել՝ արդարացնելու Թրամփի հարձակումները մեր երկրի, մեր տնտեսության և մեր ինքնության վրա։ Կանադան ձեր լավագույն ընկերն է, լավագույն հարևանը և լավագույն դաշնակիցը»,- ասել է նա։
Ինչ վերաբերում է Կանադայի ինքնիշխանությանը, Ժոլին նշել է, որ G7-ի հանդիպումներում ինքը փնտրում է նոր ուղիներ՝ Եվրոպայի հետ համագործակցելու զորավարժությունների և զենքի ու պաշտպանական այլ սարքավորումների ձեռքբերման հարցում:
Թարգմանությունը՝ Էմմա Չոբանյանի
