28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
ՊԱՏՄԱԿԱՆ. Հայաստանի ֆուտզալի հավաքականը առաջին անգամ իրավունք ստացավ մասնակցելու Եվրոպայի առաջնությանը
12.03.2025 | 20:55
ՈՒԵՖԱ Ֆուտզալի Եվրո-2026-ի որակավորման հիմնական փուլի վերջին տուրում Հայաստանի հավաքականը Երևանում հյուրընկալեց Ղազախաստանի ընտրանուն:«Արմենպրես»-ի հաղորդմամբ` Ավանի ֆուտբոլի ակադեմիայի մարզադահլիճում կայացած խաղի մեկնարկում Հայաստանի հավաքականն ակնհայտ առավելություն ուներ, Ղազախստանն էլ հստակ էր գործում պաշտպանությունում: Հայաստանի ֆուտբոլի ազգային թիմն առաջինը բացեց հանդիպման հաշիվը:
Դիպուկ հարվածով աչքի ընկավ Նիկիտա Խրոմիխը: Բաց թողած գնդակից հետո ղազախները տիրել էին նախաձեռնությանը, սակայն հակագրոհներից մեկի ժամանակ` 13-րդ րոպեին, Նիկիտա Խրոմիխը երկրորդ գնդակն ուղարկեց մրցակցի դարպասը: Մինչ խաղակեսի ավարտը Ղազախաստանի ընտրանուն հաջողվեց կրճատել հաշվի տարբերությունը:
Աչքի ընկավ Տուրսագուլովը: Երկրորդ կեսի մեկնարկին` 23-րդ րոպեին, Հայաստանի ազգային ընտրանին երրորդ գնդակն ուղարկեց մրցակցի դարպասը: Նիկիտա Խրոմիխը խփեց իր երրորդ գնդակը: Դրվագներից մեկի ժամանակ, տեսնելով, որ Ղազախաստանի հավաքականի դարպասապահը տեղում չէ, Հայաստանի ֆուտզալի ընտրանու դարպասապահը` Ալբերտ Աղաջանովը, հեռահար դիպուկ հարվածով գրավեց ղազախների դարպասը:
Հանդիպման 32-րդ րոպեին Հայաստանի թիմից ինքնագոլի հեղինակ դարձավ Ալբերտ Աղաջանովը:Հայաստան-Ղազախստան`4:2:Հայաստանի ֆուտզալի հավաքականը մրցաշարային աղյուսակում գրավեց առաջին հորիզոնականը` հավաքելով 16 միավոր և պատմության մեջ առաջին անգամ հանդես կգա Եվրոպայի առաջնության հիմնական փուլում:
