05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Իրանի և Ադրբեջանի ԱԳ նախարարներն իրանական տարածքով դեպի Նախիջևան ենթակառուցվածքային նախագծերն են քննարկել
Քաղաքականություն
13.03.2025 | 12:09
Ադրբեջանի ԱԳ նախարար Ջեյհուն Բայրամովը հեռախոսազրույց է ունեցել իրանցի գործընկեր Աբբաս Արաղչիի հետ։ Ադրբեջանի ԱԳՆ-ի հաղորդմամբ՝ քննարկվել են Ադրբեջանի և Իրանի երկկողմ ու տարածաշրջանային հարաբերություններից բխող հարցեր։
Բայրամովն ընդգծել է քաղաքական երկխոսության կարևորությունը ադրբեջանա-իրանական հարաբերությունների զարգացման գործում։
Նշվել է, որ Ադրբեջանի և Իրանի միջև էներգետիկայի, տրանսպորտի և ներդրումների ոլորտներում իրականացվող համատեղ նախագծերը ռազմավարական նշանակություն ունեն։
«Մասնավորապես, ուշադրություն է դարձվել, որ Իրանի տարածքով անցնող տրանսպորտային միջանցքները, ինչպես նաև Ադրբեջանի արևմտյան շրջանները Նախիջևանի Ինքնավար Հանրապետության հետ կապող ենթակառուցվածքային նախագծերը նոր հնարավորություններ են ստեղծում տարածաշրջանի համար»,- ասվում է հաղորդագրության մեջ։
Թարգմանությունը՝ Էմմա Չոբանյանի
