01.06.2026 | 15:26
ԵԱ․ Հայ շախմատիստներից լավագույն արդյունքն ունի Մարիամ Մկրտչյանը
Պուտինը դժվար թե համաձայնի կարճաժամկետ հրադադարի․ Reuters
Քաղաքականություն
12.03.2025 | 16:56
Reuters գործակալության ռուսական աղբյուրները զգուշությամբ են արձագանքել 30-օրյա հրադադարի մասին ԱՄՆ-ի առաջարկին, որին աջակցում է Կիևը՝ նշելով, որ Ուկրաինայում պատերազմի ավարտի ցանկացած համաձայնություն պետք է հաշվի առնի Ռուսաստանի հաջողությունները և լուծի Մոսկվայի մտահոգությունները, գրում է BBC-ի ռուսական ծառայությունը։
Ռուսական բարձրաստիճան աղբյուրը Reuters-ին հայտնել է, որ նախագահ Վլադիմիր Պուտինին դժվար կլինի համաձայնել հրադադարին՝ առանց պայմանների քննարկման և որոշակի երաշխիքներ ստանալու:
«Պուտինին դժվար է համաձայնել դրան ներկայիս տեսքով: Պուտինն ամուր դիրքերում է, քանի որ Ռուսաստանն առաջ է գնում»,- ասել է աղբյուրը, որը խնդրել է անանուն մնալ՝ իրավիճակի զգայունության պատճառով:
Նա հավելել է, որ առանց երաշխիքների, բացի հրադադարից, Ռուսաստանի դիրքերը կարող են արագորեն թուլանալ, իսկ Արևմուտքը կարող է պատասխանատվությունը դնել Ռուսաստանի վրա պատերազմի դադարեցումը ձախողելու համար։
Մեկ այլ բարձրաստիճան աղբյուր էլ ասել է, որ Մոսկվայի տեսանկյունից՝ հրադադարի առաջարկը թակարդի տեսք ունի, քանի որ Պուտինի համար դժվար կլինի դադարեցնել պատերազմն առանց կոնկրետ երաշխիքների կամ պարտավորությունների։
Ռուսական երրորդ աղբյուրն էլ ուշադրություն է հրավիրել այն հանգամանքի վրա, որ հրադադարի առաջարկն ուղեկցվել է ԱՄՆ ռազմական օգնության և հետախուզական տեղեկատվության փոխանակման վերսկսմամբ։
Թարգմանությունը՝ Էմմա Չոբանյանի
