08.09.2026 | 21:50
Գագիկ Խաչատրյանի միլիարդները մի բանակի ունեցվածք է․ ՀՀ-ի դեմ մեծ հանցագործություն է տեղի ունեցել․ Գուրգեն Սիմոնյան. ՏԵՍԱՆՅՈՒԹ
Ռուբեն Ռուբինյանը թուրքական հեռուստաալիքի հետ զրույցում հայ-թուրքական հարաբերությունների կարգավորման գործընթացից է խոսել
Քաղաքականություն
12.03.2025 | 15:50
Հայաստանը պատրաստ է Թուրքիայի հետ հարաբերությունների կարգավորմանը և Երևանի մոտեցումը այդ հարցում սկզբից ի վեր չի փոխվել։ Թուրքական NTV հեռուստաալիքի լրագրող Մետե Չուբուկչուին տված հարցազրույցում այս մասին ասել է ՀՀ ԱԺ փոխխոսնակ, Հայաստան-Թուրքիա հարաբերությունների կարգավորման հարցով հատուկ բանագնաց Ռուբեն Ռուբինյանը։
«Ակնկալում ենք Թուրքիայի հետ հարաբերությունների ամբողջական կարգավորում, որը ներառում է դիվանագիտական հարաբերությունների կարգավորում և Հայաստանի հետ ցամաքային սահմանի ապաշրջափակում»,- ասել է Ռուբինյանը՝ նշելով, որ ՀՀ-ն պատրաստ է հարաբերությունների կարգավորմանը՝ առանց որևէ նախապայմանի։
Նա նաև նշել է, որ ՀՀ-ն երեկ, այսօր, վաղը պատրաստ է սահմանի բացման ու հարաբերությունների կարգավորման, և եթե Թուրքիան քաղաքական կամք դրսևորի, դա արագ տեղի կունենա։
«Կարող եմ ասել, որ ամենակարևոր պայմանավորվածությունը սահմանը 3-րդ երկրների քաղաքացիների, դիվանագիտական անձնագիր ունեցողների համար բացելն է, որը համաձայնեցվել է 2022 թվականին։ Հայաստանն իր կողմից վերանորոգել է Մարգարայի կամուրջը։ Մենք ակնկալում ենք թուրք գործընկերներից՝ անել նույնը»,- հայտարարել է Ռուբինյանը։
Թարգմանությունը՝ Էմմա Չոբանյանի
