21.02.2026 | 23:36
Հենրիխ Մխիթարյանի գոլը սկիզբ է դրել «Ինտերի» հաղթանակին․ ՏԵՍԱՆՅՈՒԹ
ԵՄ-ն պատասխան մաքսատուրքեր է սահմանում ամերիկյան ապրանքների համար
Քաղաքականություն
12.03.2025 | 14:04
Սպիտակ տան խոսնակ Քուշ Դեսային հայտարարել է, որ «պողպատի և ալյումինի համար նախատեսված 25 տոկոս մաքսատուրքը, առանց բացառությունների, ուժի մեջ է մտնելու Կանադայի և իրենց բոլոր առևտրային գործընկերների համար» չորեքշաբթի օրը՝ մարտի 12-ին: DW-ի փոխանցմամբ՝ նոր սակագինը կանդրադառնա նաև Եվրամիության վրա, ինչի կապակցությամբ Եվրահանձնաժողովն արդեն հայտարարել է, որ ի պատասխան՝ ԵՄ-ն 26 միլիարդ եվրո արժողությամբ ամերիկյան ապրանքների համար մաքսատուրքեր կսահմանի։
Եվրոպացի պաշտոնյաներն ընդգծել են, որ իրենք «պատրաստ են աշխատել ԱՄՆ վարչակազմի հետ»՝ լուծում գտնելու համար։
«Միջոցառումները կարող են վերացվել ցանկացած պահի, եթե նման լուծում գտնվի», – նշել է Բրյուսելից։
Եվրահանձնաժողովի ղեկավար Ուրսուլա ֆոն դեր Լեյենը հայտարարել է, որ Վաշինգտոնի գործողությունները «վնասում են բիզնեսին և սպառողներին»։
«Այս մաքսատուրքերը խաթարում են մատակարարման շղթաները, անորոշություն են բերում տնտեսությանը, և աշխատատեղերը վտանգված են։ Գները կաճեն Եվրոպայում և ԱՄՆ-ում։ ԵՄ-ն պետք է գործի, որ պաշտպանի իր սպառնողներին ու բիզնեսը»,- հայտարարել է Ուրսուլա ֆոն դեր Լեյենը։
Թարգմանությունը՝ Էմմա Չոբանյանի
