13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Թրամփը նոր Tesla է գնել՝ ցույց տալու Մասկին իր աջակցությունը
Քաղաքականություն
12.03.2025 | 13:07
ԱՄՆ նախագահ Դոնալդ Թրամփը նոր Tesla է գնել՝ ընտրելով փայլուն կարմիր սեդան՝ ցույց տալու իր աջակցությունը Իլոն Մասկի էլեկտրական մեքենաների արտադրությամբ զբաղվող ընկերությանը, որը հակազդեցության է բախվում նախագահի քաղաքական օրակարգն առաջ մղելու և դաշնային կառավարության անձնակազմի կրճատման պատճառով, գրում է AP-ին։
«Այն գեղեցիկ է»,- նստելով մեքենան՝ ասել է Թրամփը։
Մասկը նստել է ուղևորի նստատեղին։
Թրամփը լրագրողներին ասել է, որ մեքենան, որը վաճառվում է մոտ 80,000 դոլարով, կթողնի Սպիտակ տանը, որպեսզի իր աշխատակիցները վարեն: Նախագահը նաև նշել է, որ հույս ունի՝ իր գնումը կխթանի Tesla-ին, որը պայքարում է վաճառքի անկման և արժեթղթերի գնանկման դեմ:
Երեքշաբթի Tesla-ի բաժնետոմսերի արժեքը բարձրացել է գրեթե 4%-ով այն բանից հետո, երբ հունվարին Թրամփի պաշտոնը ստանձնելուց հետո նվազել էր գրեթե 48%-ով:
Սա վերջին և ամենաանսովոր օրինակն է, երբ Թրամփն հավատարմություն է դրսևորել Մասկին, որը մեծ մասնակցություն է ունեցել անցյալ տարի Սպիտակ տուն նրա վերադարձի արշավին և առանցքային դեմք է նրա վարչակազմում:
Թարգմանությունը՝ Էմմա Չոբանյանի
