24.06.2026 | 21:44
Հայաստանի մի շարք հասցեներում էլեկտրաէներգիայի անջատումներ կլինեն
Ուկրաինան պատրաստ է շփման գծի ողջ երկայնքով լիակատար հրադադարի. Զելենսկի
Քաղաքականություն
11.03.2025 | 23:01
Ուկրաինան պատրաստ է շփման գծի ողջ երկայնքով լիակատար հրադադարի, հայտարարել է Վլադիմիր Զելենսկին։
«ԱՄՆ-ն պետք է համոզի Ռուսաստանին դա անել։ Այսինքն՝ մենք համաձայնում ենք, և եթե ռուսները համաձայնեն, այդ պահից հրադադարն ուժի մեջ կմտնի»,- ասել է Ուկրաինայի առաջնորդը։
Զելենսկու խոսքով ՝ ԱՄՆ-ի առաջարկը վերաբերում է «ամբողջական» հրադադարին՝ «ոչ միայն հրթիռների, անօդաչու թռչող սարքերի և ռումբերի հարցում, ոչ միայն Սև ծովում, այլև ճակատային գծի ողջ երկայնքով»:
Զելենսկին նաև ընդգծել է, որ Ուկրաինան «պատրաստ է խաղաղության»։ «Պատերազմը դադարեցնելու կամ պատերազմը շարունակելու իրենց պատրաստակամությունը պետք է ցույց տան Ռուսաստանում։ Եկել է ամբողջական ճշմարտության ժամանակը», – ասել է Ուկրաինայի նախագահը։
Ավելի վաղ տեղեկացրել էինք, որ Ուկրաինան ընդունել է 30 օրով հրադադարի ռեժիմ սահմանելու ԱՄՆ-ի առաջարկը։ Վաշինգտոնը նաև անմիջապես վերսկսում է հետախուզական տվյալների փոխանակումն Ուկրաինայի հետ։ ԱՄՆ նախագահ Դոնալդ Թրամփը Ջիդդայում կայացած ամերիկա-ուկրաինական բանակցությունների արդյունքում որոշում է կայացրել անհապաղ վերսկսել ռազմական և հետախուզական օգնության տրամադրումը Կիևի իշխանություններին:
