14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
Ուկրաինան ընդունել է 30 օրով հրադադարի ռեժիմ սահմանելու ԱՄՆ-ի առաջարկը
Քաղաքականություն
11.03.2025 | 22:20
Ուկրաինան ընդունել է 30 օրով հրադադարի ռեժիմ սահմանելու ԱՄՆ-ի առաջարկը։ Այս մասին ասվում է Ուկրաինայի նախագահի կայքում՝ Սաուդյան Արաբիայում ԱՄՆ-ի հետ բանակցությունների արդյունքներով արված հայտարարության մեջ։
Նշվում է, որ հրադադարի ռեժիմը կարող է երկարաձգվել, եթե Ռուսաստանն ընդունի առաջարկը:
ԱՄՆ-ն պարտավորվել է այդ առաջարկները քննարկել Ռուսաստանի ներկայացուցիչների հետ։ Ուկրաինական պատվիրակությունն ընդգծել է, որ եվրոպացի գործընկերները պետք է ներգրավվեն խաղաղ գործընթացում։
Վաշինգտոնը նաև անմիջապես վերսկսում է հետախուզական տվյալների փոխանակումն Ուկրաինայի հետ։
Վաշինգտոնը մի քանի խողովակներով ՌԴ-ին կփոխանցի Ուկրաինայում հրադադարի մասին առաջարկները, հայտարարել է ԱՄՆ պետքարտուղար Մարկո Ռուբիոն: ԱՄՆ-ը հույս ունի, որ Ռուսաստանը կասի «այո», հավելել է նա:
Ավելի վաղ ամերիկյան ԶԼՄ-ները հայտնել էին, որ այս շաբաթ Մոսկվա պետք է ժամանի Թրամփի հատուկ բանագնաց Սթիվ Ուիթքոֆը:
