21.12.2025 | 18:21
Իրավիճակը ՀՀ ավտոճանապարհներին՝ 17։30-ի դրությամբ
Վրաստանի վարչապետն ու Ադրբեջանի Մեջլիսի նախագահը կարևորել են Հարավային Կովկասում խաղաղությունն և կայունությունը
Քաղաքականություն
11.03.2025 | 14:37
Վրաստանի վարչապետ Իրակլի Կոբախիձեն Թբիլիսիում ընդունել է Ադրբեջանի Միլլի Մեջլիսի նախագահ Սահիբա Գաֆարովայի հետ, հայտնում է վրացական «Առաջին ալիքը»։
Կողմերը քննարկել են Վրաստանի և Ադրբեջանի միջև ռազմավարական գործընկերությունը, համատեղ տարածաշրջանային նախագծերը, ինչպես նաև տնտեսական համագործակցության հարցեր։ Ընդգծվել է Վրաստանի և Ադրբեջանի միջև տնտեսական համագործակցության միջկառավարական հանձնաժողովի 10-րդ նիստի արդյունավետությունը, որը տեղի է ունեցել այս տարվա հունվարին Բաքվում։
Կողմերը քննարկել են նաև Միջին միջանցքի արդյունավետ գործունեությանը նպաստելու հարցեր։
Ընդգծվել է Հարավային Կովկասի տարածաշրջանում խաղաղության և կայունության կարևորությունը։ Կոբախիձեն նշել է, որ Վրաստանը պատրաստ է շարունակել նպաստել տարածաշրջանում խաղաղության և բարգավաճման ապահովմանը։
Ավելի վաղ էլ Գաֆարովային ընդունել էր Վրաստանի նախագահ Միխայիլ Ղավելաշվիլին։
Թարգմանությունը՝ Էմմա Չոբանյանի
