17.07.2026 | 19:42
Հայաստանն ու ԱՄԷ-ն քննարկել են թարմ բանջարեղենի, ծաղիկների ու հանքային ջրի արտահանման հնարավորությունը
Բաքվում շինծու դատական նիստում Արկադի Ղուկասյանը, Բակո Սահակյանը, Արայիկ Հարությունյանը, Դավիթ Իշխանյանն ու Դավիթ Բաբայանը պատասխանել են դատախազների հարցերին
Քաղաքականություն
10.03.2025 | 21:45
Բաքվի զինվորական դատարանում, դատավոր Զեյնալ Աղաևի նախագահությամբ, այսօր տեղի է ունեցել Ադրբեջանում ապօրինի պահվող Արցախի ռազմաքաղաքական ղեկավարների և այլ պաշտոնյաների շինծու գործերով դատական նիստը։ Ադրբեջանական լրատվամիջոցների հաղորդմամբ՝ դատական նիստը շարունակվել է դատախազների կողմից հարցեր ուղղելով։
Արցախի նախկին նախագահԱրկադի Ղուկասյանի հայտարարությունները ներկայացրել էինք այսօր ավելի վաղ։
Ավելի ուշ Արցախի նախկին նախագահ Բակո Սահակյանի պաշտպանը դիմել է դատարանին՝ խնդրելով պայմաններ ստեղծել հանդիպման համար։ Դատարանը բավարարել է փաստաբանի միջնորդությունը։
Ընդմիջումից հետո հարցեր են ուղղվել Բակո Սահակյանին, Արայիկ Հարությունյանին, Դավիթ Իշխանյանին և Դավիթ Բաբայանին։
Նշվում է, որ այսօրվա դատական նիստի ժամանակ նրանք հարցաքննվել են նաև, այսպես ասած, տուժողների ներկայացուցիչների, ինչպես նաև նրանց փաստաբանների կողմից։
Հաջորդ դատական նիստը նշանակվել է մարտի 13-ին։
Թարգմանությունը՝ Էմմա Չոբանյանի
