Քաղաքականություն
10.03.2025 | 22:35
Թուրքիայի արտգործնախարար Հաքան Ֆիդանը հեռախոսազրույց է ունեցել Մեծ Բրիտանիայի ԱԳՆ ղեկավար Դեյվիդ Լամմիի հետ։ Դիվանագիտական աղբյուրների համաձայն՝ կողմերը քննարկել են ռուս-ուկրաինական հակամարտության վերջին զարգացումները, ինչպես նաև Եվրոպայում անվտանգության վերաբերյալ ընթացիկ բանավեճը, հաղորդում է Անադոլուն։
Նշվել է, որ ԵՄ անդամ չհանդիսացող երկրները կարևոր դեր են խաղում եվրոպական անվտանգության ապահովման գործում։
Երկու երկրների նախարարներն անդրադարձել են Սիրիայում տիրող իրավիճակին և երկկողմ համագործակցության հարցերին, մասնավորապես, պաշտպանական արդյունաբերության ոլորտում։
Թարգմանությունը՝ Էմմա Չոբանյանի
