10.08.2026 | 10:40
Քաղաքացին սապբորդինգի ժամանակ ուժեղ քամու հետևանքով չի կարողացել վերադառնալ ափ. օգնության են հասել փրկարարները
Անհետ կորածների որոնումը կարևոր է նաև տարածաշրջանում խաղաղության և կայունության համար․ ICMP-ի գլխավոր տնօրեն
Քաղաքականություն
10.03.2025 | 16:19
Ադրբեջանում անհետ կորածների որոնումների վերաբերյալ գնահատման զեկույցի ներկայացման ժամանակ Անհետ կորածների միջազգային հանձնաժողովի (ICMP) գլխավոր տնօրեն Կատրին Բոմբերգերը հայտարարել է, որ անհետ կորած անձանց որոնումը կարևոր է նաև տարածաշրջանում խաղաղության և կայունության համար։ Այս մասին հայտնում են ադրբեջանական լրատվամիջոցները։
Նա նշել է, որ շատ կարևոր է DATA համակարգերի և ԴՆԹ-ի հնարավորությունների ընդլայնումը։
«Շատ կարևոր է նաև անհետ կորածների հարցում Հայաստանի հետ համագործակցությունը քաղաքական հարթության վրա։ Մենք օգնում ենք տարածաշրջանի երկրներին ընդլայնել իրենց հնարավորությունները։ Մեր մանդատը կառավարությունների միջև համագործակցության հասնելն է։ Այդ նպատակով մենք ստեղծել ենք տարածաշրջանային տվյալների բազա։ Ապագայում այն կարող է օրինակ ծառայել Ադրբեջանի և Հայաստանի միջև անհետ կորածների հայտնաբերման հարցում, որովհետև համագործակցության միջոցով է, որ այս բոլոր հարցերը կլուծվեն»,- ասել է Բոմբերգերը։
Թարգմանությունը՝ Էմմա Չոբանյանի
