14.05.2025 | 23:30
Վարչապետը տիկնոջ հետ ներկա է գտնվել Հայաստանի ազգային ֆիլհարմոնիկ նվագախմբի 100-ամյակին նվիրված համերգին
Թեհրանը Թրամփից նամակ չի ստացել․ Իրանի ԱԳՆ
Քաղաքականություն
10.03.2025 | 15:36
Իրանի ԱԳՆ մամուլի խոսնակ Էսմայիլ Բաղային հայտարարել է, որ Թեհրանը ԱՄՆ նախագահ Դոնալդ Թրամփից նամակ չի ստացել, գրում է Mehr գործակալությունը։
Երկուշաբթի ամենշաբաթյա ասուլիսում Բաղային անդրադարձել է Իրանում և տարածաշրջանում տեղի ունեցող վերջին զարգացումներին։ Պատասխանելով Իրանին ուղղված Թրամփի նամակի վերաբերյալ լրագրողների հարցին՝ նա ասել է․ «Մենք նամակ չենք ստացել»։
«Ամերիկացի քաղաքական գործիչների քաղաքականությունը վախեցնելն է։ Իսլամական Հանրապետությունը երբեք չի հրաժարվել բանակցություններից։ Իրանըը երբեք չի ընդունի բանակցությունները ճնշման տակ»,- պատասխանելով բանակցությունների վերաբերյալ Իրանի դիրքորոշման մասին հարցին՝ հավելել է իրանցի բարձրաստիճան դիվանագետը։
Դատապարտելով Իրանի դեմ Արևմուտքի պատժամիջոցները՝ Բաղային շեշտել է, որ «Իրանի ժողովրդի դեմ ԱՄՆ-ի միակողմանի պատժամիջոցներն իրավական հիմնավորում կամ հիմք չունեն և բացարձակապես անօրինական են»։
Նա նաև կոչ է արել տարածաշրջանի երկրներին որոշումներ կայացնել՝ «ելնելով իրենց ազգային շահերից և մտահոգություններից, Իրանի հետ լավ հարաբերություններից և թույլ չտալ, որ ԱՄՆ-ի անօրինական ճնշումները բացասաբար ազդեն Իրանի ժողովրդի հետ իրենց հարաբերությունների վրա և խռովություն ու պառակտում առաջացնեն տարածաշրջանի երկրներում»:
Հիշեցնենք, որ ավելի վաղ ԱՄՆ նախագահ Դոնալդ Թրամփը հայտարարել էր, որ ցանկանում է բանակցություններ վարել Թեհրանի հետ միջուկային ծրագրի շուրջ և նամակ է ուղարկել Իրանի գերագույն հոգևոր առաջնորդին։
Թարգմանությունը՝ Էմմա Չոբանյանի
