06.10.2026 | 12:37
TRIPP-ի զարգացմանը զուգահեռ սպասվում է Հայաստան–Թուրքիա սահմանի բացում․ Փաշինյան
Բաքվում ընթացող շինծու գործերով դատական նիստին Դավիթ Մանուկյանն ու Դավիթ Ալլահվերդյանը հայտարարություններ են արել
Քաղաքականություն
06.03.2025 | 15:36
Բաքվում զինվորական դատարանում ընթացող Արցախի ղեկավարների և այլ պաշտոնյաների դեմ շարունակվող շինծու գործերով դատավարության ընթացքում ԱՀ Պաշտպանության բանակի նախկին հրամանատարի առաջին տեղակալ, գեներալ-մայոր Դավիթ Մանուկյանը հայտարարություններ է արել։
Ըստ ադրբեջանական լրատվամիջոցների՝ նա, իբր, ընդունել է «մեղքը»՝ նշելով, որ եղել է զինվորական, ծառայել է Հայաստանում, ինչպես նաև կռվել է Ադրբեջանի դեմ հայկական բանակի կազմում՝ Արցախյան առաջին և երկրորդ պատերազմների ժամանակ։
Մանուկյանը հայտնել է, որ իր մոտ եղած հրազենը, որը հայտնաբերվել է իր տանը, հաշվառված է ՀՀ ոստիկանության բաժնում։ Նա նաև նշել է, որ իր մեքենան 44-օրյա պատերազմի ժամանակ խոցվել է «Բայրաքթար» անօդաչու թռչող սարքից, ինչի հետևանքով իր վարորդը վիրավորվել է, իսկ ինքը չի վնասվել, քանի որ մեքենայից հեռու է եղել։
Դավիթ Ալլահվերդյանն էլ հայտարարել է, թե նախաքննության ընթացքում պատասխանել է բոլոր հարցերին։
«Իմ նկատմամբ վերաբերմունքը եղել է մարդասիրական, և դրա համար ես շնորհակալ եմ։ Այժմ ես պատրաստ եմ պատասխանել բոլոր հարցերին»,- ըստ ադրբեջանական աղբյուրների՝ ասել է Ալլահվերդյանը։
Թարգմանությունը՝ Էմմա Չոբանյանի
