05.07.2026 | 20:00
Վերջին շրջանում բախվել եմ մեծ ծավալի ատելության խոսքի, տարանջատումն ավելի է խորացել․ արցախցի բլոգեր․ ՏԵՍԱՆՅՈւԹ
Խորհրդարանը երկորրդ ընթերցմամբ և ամբողջությամբ ընդունեց Հայկ Սարգսյանի՝ խաղային ոլորտին վերաբերող նախագիծը
Քաղաքականություն
06.03.2025 | 14:07
Խորհրդարանը 58 կողմ, 2 դեմ և 17 ձեռնպահ ձայներով երկրորդ ընթերցմամբ և ամբողջությամբ ընդունեց ՔՊ պատգամավոր Հայկ Սարգսյանի նախագիծը, որը խաղային ոլորտի հարկային քաղաքականության վերանայմանն է վերաբերվում։Առաջարկվում է երկու անգամ բարձրացնել օնլայն կազինոների և բուքմեյքերական գործունեության համար նախատեսված տուրքերը:
«Կունենանք տարեկան շուրջ 13 մլրդ դրամ հավելյալ պետական եկամուտներ։ Ֆինանսական բեռը տարեցտարի կբարձրանա և այս գործիքի միջոցով հնարավոր կլինի լուծել խաղային օպերատորի հարցը: Օպերատորի միջոցով սահմանափակվելու են օնլայն կազինո խաղալու հնարավորությունները, որոշ սոցիալական խմբերի և պետծառայողների դեպքում առհասարակ արգելք է դրվելու:
Ամբողջ աշխարհում, և Հայաստանում վերջին տարիներին գրանցված ինքնասպանությունների զգալի մասի պատճառը խաղամոլությունն է, որից անմասն չի կարող մնալ բանակը, որը մեր հասարակության հայելին է: 2024 թվականին բանակում տեղի ունեցած ինքնասպանությունների կեսից ավելին խաղամոլության հետևանք է»,- նման վիճակագրական տվյալներ է ներակայացրել հիմնական զեկուցողը։
Տնտեսական հարցերի մշտական հանձնաժողովի նախագահի տեղակալ Բաբկեն Թունյանն ընդգծեց, որ երկրորդ ընթերցման ընթացակարգում ի սկզբանե նախատեսված հարկային բեռի չափը մի քանի անգամ նվազեցվել է, քանի որ հարկը պետք է լինի տրամաբանական և չի կարող ավելի մեծ լինել, քան այդ ընկերությունների եկամուտը:
