17.07.2026 | 20:09
Խմարան և Սիբիհան՝ Ուկրաինայի պաշտպանության և արտաքին գործերի նախարարների պաշտոնակատար
«Նախիջևանը հնագույն ադրբեջանական հող է, հայրս թույլ չի տվել, որ այն օկուպացվի»․ Ալիևը՝ Անկարայում
Քաղաքականություն
06.03.2025 | 15:33
Ադրբեջանի նախագահ Իլհամ Ալիևը նախօրեին Անկարայում Իգդիր-Նախիջևան գազատարի բացման արարողությանը, որին նա տեսակապով մասնակցել էր Թուրքիայի նախագահ Ռեջեփ Թայիփ Էրդողանի հետ, հերթական անգամ խեղաթյուրել է պատմությունն ու ՀՀ-ին տարածքային պահանջներ ներկայացրել։
«Ինչպես գիտեք՝ Նախիջևանը հնագույն ադրբեջանական հող է, սակայն ավելի քան մեկ դար այն անջատված է Ադրբեջանի հիմնական մասից։ Դրա պատճառն այն է, որ 1920 թվականին Ադրբեջանի Դեմոկրատական Հանրապետության անկումից հինգ ամիս անց խորհրդային կառավարությունը «Արևմտյան Զանգեզուրը» (ՀՀ Սյունիքի մարզը) անջատեց Ադրբեջանից և միացրեց Հայաստանին։ Այսպիսով, խզվեց ցամաքային կապը Ադրբեջանի հիմնական մասի և նրա անբաժանելի մասի՝ Նախիջևանի միջև»,- ասել է Ալիևը։
Նա հավելել է, թե, իբր, «ավելի քան մեկ դար շարունակվող այդ անարդարությունը խիստ բացասաբար է անդրադարձել Նախիջևանում ապրողների կյանքի վրա»։
Ալիևն ասել է, թե «Ղարաբաղյան առաջին պատերազմը սկսվելուն պես Հայաստանն օկուպացրել է Ղարաբաղը՝ միաժամանակ շրջափակելով Նախիջևանը»։
«Նրանց ծրագրերը ներառում էին նաև Նախիջևանի գրավումը։ Բայց այն ժամանակ հայրս՝ Հեյդար Ալիևը, որպես Նախիջևանի ղեկավար, դա թույլ չտվեց, և բոլորը մոբիլիզացվեցին Նախիջևանի պաշտպանության համար, պաշտպանեցին իրենց հայրենի հողը։ Նախիջևանի օկուպացված չլինելու պատճառներից էր նաև այդ ժամանակ կառուցված «Ումիդի» կամուրջը, որը կապում է Նախիջևանը Թուրքիայի հետ, ինչպես նաև այնտեղից եկող օգնությունը։ Սա նշանակալի ներդրում է ունեցել Նախիջևանի պաշտպանության գործում»,- հայտարարել է Ադրբեջանի նախագահը։
Թարգմանությունը՝ Էմմա Չոբանյանի
