«Քաղաքացիական պայմանագիր» խմբակցության պատգամավոր Հայկ Սարգսյանի հեղինակած նախագծերի փաթեթը, որը վերաբերում է խաղային ոլորտի հարկային քաղաքականության վերանայմանը, երկրորդ ընթերցմամբ քննարկման ռեժիմում փոփոխության է ենթարկվել: Այդ մասին ԱԺ նիստում ասաց «Քաղաքացիական պայմանագիր» խմբակցության պատգամավոր, հարակից զեկուցող Բաբկեն Թունյանը:
«Ի սկզբանե նախատեսվող հարկային բեռի չափը նվազեցրել ենք մի քանի անգամ: Ինչի՞ համար. որովհետև ինչպես երեկ վարչապետը նշեց՝ անկախ ամեն ինչից, անկախ ոլորտի առանձնահատկություններից՝ հարկը պիտի լինի տրամաբանական, և չի կարող հարկը ավելի մեծ լինել, քան այն եկամուտը, որն այդ ընկերությունները ստանում են»,- հավելեց Թունյանը:
Տնտեսական հարցերի մշտական հանձնաժողովի նախագահ Թունյանն ընդգծեց, որ այս օրենքով ընդամենն արդար հարկելու են, խաղամոլության չտարածման խնդիրն այս օրենքով չեն լուծելու։
Մանրամասները՝ տեսանյութում։
