08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թրամփի հրամանից հետո Ուկրաինա ռազմական օգնություն տեղափոխող ինքնաթիռները վերադարձել են
05.03.2025 | 23:42
Ուկրաինա ռազմական օգնություն տեղափոխող ինքնաթիռները վերադարձել են երկուշաբթի երեկոյան, երբ ԱՄՆ նախագահ Դոնալդ Թրամփը դադարեցման հրաման է տվել:
Հրամանը տրվել է այն ժամանակ, երբ ԱՄՆ-ն ակտիվորեն տեխնիկա էր տեղափոխում տարածաշրջան, SKY News-ին հայտնել է ԱՄՆ պաշտպանության նախարարության ներկայացուցիչը:
Ավելի վաղ CNN հեռուստաալիքը հայտնել էր, որ Patriot զենիթահրթիռային համալիրների համար հրթիռների պաշարները կարող են սպառվել Ուկրաինայում ԱՄՆ նախագահ Դոնալդ Թրամփի՝ Կիևին ռազմական օգնությունը դադարեցնելու որոշումից մի քանի շաբաթ անց:
Հիշեցնենք՝ Թրամփը դադարեցրել է Ուկրաինային տրամադրվող ռազմական օգնությունը։ Դա վերաբերում է ողջ ռազմական սարքավորումներին, որոնք դեռևս չեն հասել Ուկրաինա, այդ թվում՝ այն, ինչ պահեստավորված է Լեհաստանի տարանցիկ գոտիներում, ինչպես նաև այն, ինչ գտնվում է նավերում և ինքնաթիռներում։
