27.04.2025 | 21:41
Վիզայի ժամկետից ավել մնալու դեպքում կարող է սահմանվել մշտական մուտքի արգելք․ ԱՄՆ դեսպանատուն
200 դոլարով դիրք ծախողներ են եղել. Վահագն Ալեքսանյան․ ՏԵՍԱՆՅՈՒԹ
Հասարակություն
05.03.2025 | 14:29
Բանակը սրբադասել՝ նշանակում է բանակում առկա թերությունները չբարձրաձայնել, լրագրողների հետ զրույցում ասաց ՔՊ-ական պատգամավոր Վահագն Ալեքսանյանը` անդրադառնալով Նիկոլ Փաշինյանի ավելի վաղ արված այն հայտարարությանը, որ բանակը պետք չէ սրբադասել։
«200 դոլարով զինվորի դիրք ծախողները, զորքերի շրջանում միտումնավոր խուճապ տարածողները հենց բանակի սրբադասումից ամենաշատ օգուտ քաղողներն են եղել»,- նշեց նա։
Ալեքսանյանի խոսքով՝ պարտադիր է բարձրաձայնել բանակում առկա թերություններն ու գնալ դրանց հետևից։
«Եթե թերությունների հետևից չես գնում, այդ թերությունները դառնում են ավերիչ ու կրում են տոտալ ավերման բնույթ»,- ասաց ՔՊ-ականը։
Իշխանական պատգամավորը անդրադարձավ նաև վերջին օրերին Ռոբերտ Քոչարյանի և Սերժ Սարգսյանի թիմակիցների մեջ ընթացող վեճին։ Նրանք միմյանց մեղադրում են, թե ով է 2018-ին Նիկոլ Փաշինյանին իշխանություն տվել։
«Ֆենոմենը կայանում է նրանում, որ իրենք այդպես էլ չեն հասկացել, թե ով Նիկոլ Փաշինյանին բերեց իշխանության։ Բերեց ժողովուրդը, իրենք մինչև հիմա չեն հասկանում այդ ֆենոմենը»,- նշեց նա։
Ալեքսանյանի խոսքով՝ ընդդիմադիր երկու ուժերն այդպես էլ չեն հասկանում, որ իշխանություն տվող-չտվողն իրենք չեն։
«Հայաստանում իշխանություն տվող մի մարմին կա ՝ ժողովուրդն է»,- ասաց նա։
Մանրամասները` տեսանյութում։
