Քաղաքականություն
05.03.2025 | 14:50
Չինաստանը պատրաստ է ցանկացած պատերազմում կռվել մինչև վերջ։ Այս մասին ասվում է Վաշինգտոնում Չինաստանի դեսպանատան հայտարարության մեջ, որն ԱՄՆ-ի կողմից մաքսատուրքերի սահմանման արձագանքն է։
«Եթե ԱՄՆ-ն իսկապես ցանկանում է լուծել ֆենտանիլի հարցը, ապա ճիշտը Չինաստանի հետ խորհրդակցելն է՝ միմյանց վերաբերվելով որպես հավասարների: Եթե պատերազմն է ԱՄՆ-ի ուզածը՝ լինի դա սակագնային, առևտրային կամ ցանկացած այլ տեսակի պատերազմ, մենք պատրաստ ենք պայքարել մինչև վերջ»,- ասվում է դեսպանատան X-ի միկրոբլոգում արված գրառման մեջ։
Հիշեցնենք, որ ավելի վաղ Չինաստանը հավելյալ մաքսատուրքեր էր սահմանել ամերիկյան ապրանքների համար՝ ի պատասխան ԱՄՆ-ի մաքսատուրքերի կրկնապատկման։
Թարգմանությունը՝ Էմմա Չոբանյանի
