08.09.2026 | 20:02
Անդրանիկ Թևանյանի խափանման միջոցը երկարացվել է 3, Արեգնազ Մանուկյանինը՝ 1 ամսով
Ի պատասխան Թեհրանի՝ Թուրքիան Իրանի գործերի հավատարմատարին կանչել է ԱԳՆ
Քաղաքականություն
04.03.2025 | 18:10
Թուրքիայի ԱԳ նախարարի Օնջու Քեչելին հայտարարել է, որ Անկարայում Իրանի դեսպանատան գործերի ժամանակավոր հավատարմատարը հրավիրվել է նախարարություն՝ անդրադառնալու Թուրքիայի վերաբերյալ իրանցի պաշտոնյաների կողմից ներկայացված տարբեր խնդիրներին և պահանջներին, գրում է TRT Haber-ը։
Քեչելին ընդգծել է, որ նախարարությունը պարբերաբար երկխոսություն է վարում Իրանի պաշտոնյաների հետ։ Նա հաստատել է, որ Իրանի գործերի ժամանակավոր հավատարմատարն այսօր հրավիրվել է նախարարություն՝ երկկողմ հարցերի շուրջ քննարկումների համար։ Հանդիպման ընթացքում Քեչելին նշել է, որ երկկողմ հարաբերությունների վերանայման ընթացքում քննարկվել են նաև Իրանի պաշտոնյաների կողմից Թուրքիայի դեմ ուղղված որոշ մեղադրանքներ։
Նա նշել է, որ իրանցի պաշտոնյաների քննադատությունները Թուրքիայի հասցեին վերջին ժամանակներում հիմնականում հրապարակայնորեն են արտահայտվել, և որ նախարարությունը նախկինում այդ հարցերի վերաբերյալ մանրամասներ է փոխանցել Իրանի իշխանություններին։
«Մենք կարծում ենք, որ արտաքին քաղաքական խնդիրները չպետք է քաղաքականացվեն ներքին նպատակներով։ Այս առումով մենք նախընտրում ենք կարևոր հաղորդագրություններ ուղղակիորեն հաղորդել համապատասխան կողմերին։ Այս մոտեցմանը մենք հետևեցինք այսօրվա հանդիպմանը։ Թուրքիան գնահատում է Իրանի հետ իր հարաբերությունները, և երկու երկրների միջև կապերի ամրապնդումը մնում է առաջնահերթություն»,- հայտարարել է Թուրքիայի ԱԳՆ խոսնակը։
Հիշեցնենք, որ ավելի վաղ Թուրքիայի ԱԳ նախարար Հաքան Ֆիդանի հայտարարությունների պատճառով Թեհրանում Անկարայի դեսպանն էր կանչվել այդ երկրի ԱԳՆ։
Թարգմանությունը՝ Էմմա Չոբանյանի
