06.12.2025 | 17:44
Երևան-Սևան ավտոճանապարհին բախվել են ավտոմեքենաներ․ կան տուժածներ
Կանցկացվի Պենդերեցկու անվան ժամանակակից երաժշտության 5-րդ փառատոնը
Մշակույթ
04.03.2025 | 10:28
Հայաստանի պետական սիմֆոնիկ նվագախմբի տեղեկացմամբ՝ մարտի 5-ից 29-ը կանցկացվի Պենդերեցկու անվան ժամանակակից երաժշտության 5-րդ փառատոնը։ Այն կազմակերպել է Հայաստանի պետական սիմֆոնիկ նվագախումբը։
Համաշխարհային ժամանակակից երաժշտությունը ներկայացնող փառատոնը ներառում է 3 սիմֆոնիկ համերգ, որոնց ընթացքում Հայաստանի պետական սիմֆոնիկ նվագախումբը կկատարի համաշխարհային և հայաստանյան պրեմիերաներ։
Փառատոնի բացման համերգը կկայանա մարտի 5-ին. կհնչեն Քշիշտոֆ Պենդերեցկու, Ավետ Տերտերյանի և նվագախմբի ռեզիդենտ կոմպոզիտոր Էրիկ Ուիթաքրի ստեղծագործությունները։ Երեկոյի ընթացքում Հայաստանում առաջին անգամ կկատարվի Էրիկ Ուիթաքրի Պրելյուդ նվագախմբի համար ստեղծագործությունը։
Փառատոնի համերգները կղեկավարեն դիրիժորներ Սերգեյ Սմբատյանը և Բարբարա Դրագանը։
