Ռուբեն Վարդանյանի կյանքի փրկությանը և բոլոր հայ գերիների իրավունքներին նվիրված ակցիա. ՈՒՂԻՂ

Ադրբեջանի բանտում հացադուլի մեջ գտնվող Արցախի նախկին պետնախարար Ռուբեն Վարդանյանի թիմակիցները, մի շարք հասարակական կազմակերպություններ, քաղաքական տարբեր ուժերի ներկայացուցիչներ Վարդանյանի կյանքի փրկության և հայ գերիների իրավունքների պաշտպանության համար բողոքի ակցիա են իրականացնում Կարմիր Խաչի Միջազգային Կոմիտեի երևանյան գրասենյակի դիմաց։
Բողոքի ակցիայի մասնակիցները ԿԽՄԿ-ի նախագահին նամակ կհանձնեն։

Ավելի վաղ ի պաշտպանություն Ռուբեն Վարդանյանի և մյուս գերիների՝ բողոքի ակցիաներ էին տեղի ունեցել Արտաքին գործերի նախարարության, ՀՀ կառավարության և ՄԱԿ-ի հայաստանյանի գրասենյակի դիմաց։

Ակցիայի մասնակիցները իրավասու մարմիններից պահանջում են հանդես գալ հրատապ հայտարարությամբ Ռուբեն Վարդանյանի և Բաքվի բանտերում գտնվող մեր հայրենակիցների ճակատագրի հետ կապված։

Հիշեցնենք, որ Արցախի նախկին պետնախարարի շինծու քրեական գործով դատական հերթական վերջին նիստից հրապարակված լուսանկարներում Վարդանյանի դեմքի տարբեր հատվածներում կապտուկներ են երևում։ Ռուբեն Վարդանյանի միջազգային փաստաբան հայտարարություն էր տարածել` նշելով, որ Վարդանյանը մեկ շաբաթ առաջ դիմել է հացադուլի ի նշան բողոքի Ադրբեջանում իր և մյուս հայ քաղբանտարկյալների նկատմամբ իրականացվող քաղաքական ցուցադրական դատավարության։

Հավելենք նաև, որ «Ապրելու երկիր» կուսակցության համահիմնադիր Մանե Թանդիլյանը և ևս երկու քաղաքացի Ազատության հրապարակում հացադուլ են սկսել՝ որպես խնդրանք Ռուբեն Վարդանյանին դադարեցնել հացադուլը։

Մանրամասները՝ տեսանյութում։