21.12.2025 | 21:24
«Ապահովել հավասար մրցակցային պայմաններ». վարչապետը՝ ԵԱՏՄ ներքին շուկայի խոչընդոտների մասին
ԱԺ պատգամավորները կգործուղվեն Փարիզ
01.03.2025 | 13:59
Հայաստանի Ազգային ժողովի մի խումբ պատգամավորներ կգործուղվեն Ֆրանսիայի Հանրապետություն՝ մասնակցելու Եվրոպայի խորհրդի խորհրդարանական վեհաժողովի նիստերին․ այս մասին տեղեկացնում ենք ԱԺ նախագահի կարգադրությունից:
Եվրոպայի խորհրդի խորհրդարանական վեհաժողովի (ԵԽԽՎ) Մոնիտորինգի, ինչպես նաեւ Քաղաքական եւ ժողովրդավարության հարցերի հանձնաժողովների նիստերի աշխատանքներին մասնակցելու համար մարտի 3-6-ը Փարիզ կգործուղվի ԵԽԽՎ-ում Ազգային ժողովի պատվիրակության ղեկավար, Ազգային ժողովի նախագահի տեղակալ Ռուբեն Ռուբինյանը:
ԵԽԽՎ Իրավական հարցերի եւ մարդու իրավունքների հանձնաժողովի նիստի աշխատանքներին մասնակցելու համար մարտի 2-4-ը Փարիզ կգործուղվի ԵԽԽՎ-ում Ազգային ժողովի պատվիրակության անդամ, Ազգային ժողովի պետական-իրավական հարցերի մշտական հանձնաժողովի նախագահ Վլադիմիր Վարդանյանը:
ԵԽԽՎ Միգրացիայի, փախստականների եւ տեղահանված անձանց հարցերի հանձնաժողովի նիստի աշխատանքներին մասնակցելու համար մարտի 10-12-ը Փարիզ կգործուղվի ԵԽԽՎ-ում Ազգային ժողովի պատվիրակության անդամ, Ազգային ժողովի պատգամավոր Արուսյակ Ջուլհակյանը:
ԵԽԽՎ Մշակույթի, գիտության, կրթության եւ լրատվամիջոցների հարցերի հանձնաժողովի նիստի աշխատանքներին մասնակցելու համար մարտի 11-13-ը Փարիզ կգործուղվեն ԵԽԽՎ-ում Ազգային ժողովի պատվիրակության անդամներ, Ազգային ժողովի պատգամավորներ Արմեն Ռուստամյանն ու Սոնա Ղազարյանը:
