08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Բայրամովն ու ԵՄ դիվանագիտության ղեկավարը տարածաշրջանային և միջազգային անվտանգության հարցեր են քննարկել
Քաղաքականություն
28.02.2025 | 13:34
Ադրբեջանի ԱԳ նախարար Ջեյհուն Բայրամովը հեռախոսազրույց է ունեցել ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասի հետ։ Ադրբեջանի ԱԳՆ-ի փոխանցմամբ՝ կողմերն ընդգծել են քաղաքական երկխոսության ակտիվացման կարևորությունը։
Նշվում է, որ հեռախոսազրույցի ընթացքում քննարկվել են Ադրբեջան-ԵՄ հարաբերությունների ներկա վիճակն ու հեռանկարները, քննարկվել են տարածաշրջանային ու միջազգային անվտանգության հարցեր։
Կողմերն ընդգծել են երկկողմ հարաբերությունների մեծ ներուժը և օրակարգային հարցերի առաջխաղացման համար քաղաքական երկխոսության, այդ թվում՝ փոխայցելությունների ակտիվացման կարևորությունը։ Բայրամովն ու Կալլասը մտքեր են փոխանակել նաև փոխադարձ հետաքրքրություն ներկայացնող այլ հարցերի շուրջ։
Հիշեցնենք, որ ավելի վաղ Կալլասը հեռախոսազրույց էր ունեցել ՀՀ ԱԳ նախարար Արարատ Միրզոյանի հետ։
Թարգմանությունը՝ Էմմա Չոբանյանի
