24.06.2026 | 23:13
Վստահ եմ, որ ամուր գործընկերությունը կշարունակի զարգանալ. ՊԵԿ նախագահը՝ ՎԶԵԲ ներկայացուցիչներին
Ուկրաինացիների գրեթե 80%-ը պատրաստ է դիմակայել ռուսական պայմաններով խաղաղության գործարքին
Քաղաքականություն
26.02.2025 | 22:45
ԱՄՆ նախագահ Դոնալդ Թրամփը սկսել է առանձին բանակցություններ անցկացնել Ուկրաինայում պատերազմի դադարեցման շուրջ, սակայն ինչ «գործարք» էլ նա կնքի ՌԴ նախագահ Վադիմիր Պուտինի հետ, Ուկրաինայի քաղաքացիները պատրաստ են շարունակել պաշտպանել իրենց երկիրը անգամ մեծ կորուստների գնով, եթե դրա պայմանները իրենց չբավարարեն։ Այս մասին է վկայում անվտանգության, միջազգային հարաբերությունների և քաղաքականության հարցերով բրիտանացի փորձագետների ուսումնասիրությունը։
«Ես շատ լավ բանակցություններ եմ վարել Պուտինի հետ, բայց այդքան էլ լավ բանակցություններ չեմ ունեցել Ուկրաինայի հետ»,- փետրվարի 21-ին ասել է Թրամփը։
«Ուղերձը պարզ է. Վաշինգտոնը ձգտում է դադարեցնել պատերազմն իր և Ռուսաստանի պայմաններով՝ անկախ նրանից, թե ինչ են մտածում ուկրաինացիները։ Բայց եթե Թրամփը ստիպի Վլադիմիր Զելենսկիին համաձայնվել մի համաձայնագրի, որը չի համապատասխանում ուկրաինացիների նախապատվություններին, այն կարող է դադարեցնել վավերականությունը ստորագրվելուց անմիջապես հետո»,- գրում են Օքսֆորդի համալսարանի և Լոնդոնի տնտեսագիտության և քաղաքական գիտությունների դպրոցի փորձագետները Foreign Affairs-ում հոդվածում:
Նշվում է, որ այս մասին են վկայում 2022 թվականի հուլիսին և վերջերս՝ դեկտեմբեր-հունվար ամիսներին կատարված ուսումնասիրությունների արդյունքները։ Ե՛վ այն ժամանակ, և՛ հիմա Կիևի կառավարության անկախության հարցը և դրա անցումը Մոսկվայի վերահսկողությանը թույլ չտալը կարմիր գիծ է, որն ուկրաինացիները պատրաստ չեն անցնել։
Այսպիսով, Թրամփի մոտեցումը ոչ միայն խախտում է միջազգային դիվանագիտության հիմնական նորմերը, այլև ռազմավարական առումով թերի է, պնդում են հետազոտողները։ Վաշինգտոնն ունի լծակներ Կիևի վրա, առաջին հերթին՝ ռազմական օգնության հարցում, բայց նա չի կարող պարզապես պատվիրել Ուկրաինային վայր դնել զենքերը։
Թարգմանությունը՝ Տաթև Ֆռանգյանի
