17.07.2026 | 20:09
Խմարան և Սիբիհան՝ Ուկրաինայի պաշտպանության և արտաքին գործերի նախարարների պաշտոնակատար
Բրիտանական Anglo Asian Mining-ը նախատեսում է 2025թ․ սկսել Արցախի Կաշենի հանքի շահագործումը
Քաղաքականություն
26.02.2025 | 18:40
Բրիտանական Anglo Asian Mining ընկերությունը, որն Ադրբեջանում ոսկի, արծաթ և պղինձ է արդյունահանում, նախատեսում է 2025 թվականին սկսել պղնձի արտադրությունը գրավյալ Արցախի Կաշենի հանքավայրը (Բաքուն այն Դեմիրլի է անվանում)։ Այս մասին գրում են ադրբեջանական լրատվամիջոցները՝ վկայակոչելով ընկերության հայտարարությունը։
Նշվում է, որ ընկերության աճի ռազմավարական ծրագիրը նախատեսում է մինչև 2029 թվականը դառնալ դիվերսիֆիկացված, միջին չափի պղնձի և ոսկու արտադրող: Այդ ընթացքում պղինձը կդառնա ընկերության հիմնական արտադրանքը՝ մոտ 50,000-55,000 տոննա պղնձի համարժեքի կանխատեսվող արտադրությամբ:
Ընկերությունը ծրագրում է հասնել այս աճին՝ 2025-2029 թվականներին շահագործման հանձնելով չորս նոր հանքեր՝ Զաֆարում, Գիլարում, Խարխարում և Գարադաղում:
«Ընկերությունը ներկայում շարունակում է գնահատել Դեմիրլիի հանքարդյունաբերական ակտիվը, որը հասանելի է դարձել 2024 թվականին: Ընկերությունն ակնկալում է այս արդյունաբերական համալիրում արտադրությունը վերսկսել մինչև 2025 թվականի վերջ»,- ասվում է հաղորդագրության մեջ։
Ընկերությունը դեռ 1997-ի օգոստոսին Ադրբեջանի կառավարության հետ կնքած պայմանագրով ստացել էր հանքարդյունաբերությամբ զբաղվելու 6 տարածք։
Հիշեցնենք, որ 2021 թվականին ընկերությունը Ադրբեջանի հետ պայմանագիր էր կնքել նոր հանքավայրերի մշակման համար, որում ներառված են նաև Արցախի հանքերը։
Թարգմանությունը՝ Էմմա Չոբանյանի
